Bangarraju Movie: అక్కినేని నాగార్జున, నాగచైతన్య కలిసి నటిస్తున్న తాజా చిత్రం ‘బంగార్రాజు’. 2016 లో వచ్చిన ‘సొగ్గాడే చిన్ని నాయనా’ చిత్రానికి ఈ సినిమా ప్రీక్వెల్‌గా రూపొందుతోంది. మొదటి భాగానికి దర్శకత్వం వహించిన కల్యాణ్‌ కృష్ణే ఈ సినిమాను కూడా తెరకెక్కిస్తున్నారు. ఈ సినిమాలో నాగార్జున సరసన రమ్యకృష్ణ నటిస్తుండగా.. చైతన్యకు జోడీగా బేబమ్మ కృతిశెట్టి కనిపించనుంది. కాగా, ఇటీవలే ఈ సినిమా నుంచి విడుదలైన పోస్టర్లు, టీజర్లు, పాటలు నెట్టింట సందడి చేస్తున్నాయి. కరోనా కారణంగా వాయిదా పడుతూ వస్తోన్న ఈ చిత్రం ప్రస్తుతం శరవేగంగా షూటింగ్‌ జరుపుకుంటోంది. అందులో భాగంగానే వరుసగా అప్డేట్‌లు ఇస్తున్నారు. తాజాగా ‘బంగర్రాజు’ నుంచి మరో కీలకమైన అప్డేట్‌ బుధవారం విడుదల చేయనున్నట్లు చిత్ర బృందం ప్రకటించింది.
ఈ సినిమా నుంచి విడుదలైన రెండు పాటలు సంగీతాభిమానులను బాగా అలరిస్తున్నాయి. ముఖ్యంగా సిధ్‌ శ్రీరామ్‌ ఆలపించిన ‘నాకోసం’ అనే ప్రేమగీతం సూపర్‌ డూపర్‌ హిట్‌గా నిలిచింది. ఈ నేపథ్యంలోనే మూడో పాటను విడుదల చేసేందుకు రెడీ అయ్యారు మూవీ మేకర్స్‌. బుధవారం ఉదయం 10.08 గంటలకు ఈ పాటకు సంబంధించి కీలకమైన అప్డేట్‌ను విడుదల చేయనున్నట్లు సోషల్‌ మీడియా వేదికగా వెల్లడించారు. ఈ సందర్భంగా ‘స్టే ట్యూన్డ్‌ టు ద కింగ్‌’ అంటూ ట్విట్టర్‌లో ఓ పోస్ట్‌ పెట్టారు. ఫ్యామిలీ ఎంటర్ టైనర్ గా రానున్న ఈ సినిమా పై అక్కినేని అభిమానులు భారీ అంచనాలు పెట్టుకున్నారు. అన్నపూర్ణ స్టూడియోస్‌, జీ స్టూడియోస్‌ సంయుక్తంగా రూపొందిస్తు్న్న ఈ సినిమాకు అనూప్‌ రూబెన్స్ స్వరాలు సమకూరుస్తున్నాడు. త్వరలోనే ఈ సినిమా ప్రేక్షకుల ముందుకు రానుంది.
#Bangarraju Third Single Update
Tomorrow @ 10:08AM ⏰🎵Stay tuned to the KING👑
👉🏻 @iamnagarjuna @chay_akkineni @IamKrithiShetty @kalyankrishna_k @anuprubens @AnnapurnaStdios @ZeeStudios_ @ZeeMusicCompany— BA Raju's Team (@baraju_SuperHit) December 13, 2021