Nagarjuna 100th Movie: అక్కినేని ఫ్యామిలీ అభిమానులు నాగార్జున కం బ్యాక్ కోసం ఇంతా ఆతృతగా ఎదురు చూస్తున్నారో ప్రత్యేకించి చెప్పనవసరం లేదు. నాగార్జున సమకాలిక హీరోగాలైనటువంటి చిరంజీవి , బాలకృష్ణ , వెంకటేష్ వంటి వారు వరుసగా బ్లాక్ బస్టర్ హిట్స్ ని అందుకుంటూ , ఏకంగా 300 కోట్ల గ్రాస్ వసూళ్లను కొల్లగొట్టే స్థాయిలో ఉంటే , నాగార్జున వరుస డిజాస్టర్ ఫ్లాప్స్ అందుకుంటూ , క్యారెక్టర్ రోల్స్ కి షిఫ్ట్ అవ్వడం పై అక్కినేని ఫ్యాన్స్ తీవ్రమైన ఆగ్రహంతో ఉన్నారు. ముఖ్యంగా ‘కూలీ’ చిత్రంలో ఆయన పోషించిన విలన్ క్యారెక్టర్ పై ఫ్యాన్స్ వ్యక్తం చేసిన అసంతృప్తి ఏ రేంజ్ లో ఉన్నిందో మనమంతా చూశాము . సీనియర్ హీరోల్లో అందరికంటే బెస్ట్ లుక్స్ ఉన్నది ప్రస్తుతానికి నాగార్జునకు మాత్రమే , కచ్చితంగా ఆయనకు సోలో గా 300 కోట్ల గ్రాస్ వసూళ్లు రావాలి, అందుకు ఆయన అర్హుడు అనేది అక్కినేని ఫ్యాన్స్ వాదన.
అందుకే నాగార్జున 100 వ చిత్రం పై అక్కినేని ఫ్యాన్స్ బోలెడన్ని ఆశలు పెట్టుకున్నారు. ‘కింగ్ 100’ గా పిలవబడుతున్న ఈ చిత్రం షూటింగ్ శరవేగంగా సాగుతోంది. అభిమానులు , ప్రేక్షకులు నాగార్జున నుండి ఏమి కోరుకుంటున్నారో , అంతకు మించే ఈ సినిమాలో ఉంటుందని అంటున్నారు. ఈ చిత్రానికి తమిళ డైరెక్టర్ కార్తీక్ దర్శకత్వం వహిస్తున్నాడు. ఈ చిత్రం లో టబు కీలక పాత్ర పోషిస్తోంది. ‘నిన్నే పెళ్లాడతా’ వంటి కల్ట్ క్లాసిక్ తర్వాత వీళ్లిద్దరి కాంబినేషన్ లో రాబోతున్న చిత్రమిది. ఇకపోతే ఈ చిత్రం లోకి మరో ప్రముఖ నటుడు కీలక పాత్ర పోషించబోతున్నారని ఇండస్ట్రీ వర్గాల్లో లేటెస్ట్ గా వినిపిస్తున్న టాక్. ఆ ప్రముఖ నటుడు మరెవరో కాదు , కన్నడ సూపర్ స్టార్ ఉపేంద్ర. కథకి అత్యంత కీలకమయ్యే పాత్రలో ఆయన ఈ సినిమాలో కనిపించబోతున్నాడు అట.
ఉపేంద్ర నాగార్జున విలన్ గా నటించిన ‘కూలీ’ చిత్రం లో కూడా కీలక పాత్ర పోషించాడు. సూపర్ స్టార్ రజినీకాంత్ కి కుడిభుజం లాగా , అత్యంత శక్తివంతమైన పాజిటివ్ క్యారెక్టర్ లో ఉపేంద్ర ఆ చిత్రం లో కనిపిస్తాడు. అదే ఉపేంద్ర ఇప్పుడు నాగార్జున చిత్రం లో కీలక పాత్ర పోషించబోతుండడం గమనార్హం. ఉపేంద్ర పాత్ర కచ్చితంగా సినిమాకు అదనపు బలంగా మారుతుందని , పాన్ ఇండియా అప్పీల్ వస్తుందని అంటున్నారు. నాగార్జున పుట్టిన రోజు సందర్భంగా ఈ చిత్రానికి సంబంధించిన టైటిల్ , అదే విధంగా గ్లింప్స్ వీడియో ని విడుదల చేస్తారట. చూడాలి మరి రాబోయే రోజుల్లో ఈ సినిమా ఎలాంటి ప్రభావం జనాలపై చూపిస్తుంది అనేది.
