Kanchana 4 Movie Update: హారర్ థ్రిల్లర్ జానర్ సినిమాల్లో సరికొత్త ఒరవడిని సృష్టించిన చిత్రం ఏదైనా ఉందా అంటే , అది ‘కాంచన’ సిరీస్ అని చెప్పడం లో ఎలాంటి సందేహం లేదు. ముందుగా ‘ముని’ అనే చిత్రం తో ఈ సిరీస్ మొదలైంది. ఆ సినిమా కమర్షియల్ గా తెలుగు, తమిళ భాషల్లో పెద్ద హిట్ అవ్వడం తో , దానికి సీక్వెల్ గా ‘కాంచన (ముని 2)’ తెరకెక్కింది. ఇది కమర్షియల్ గా ఒక సెన్సేషనల్ బ్లాక్ బస్టర్ హిట్ గా నిల్చింది. ఇక ఆ తర్వాత కొన్నాళ్ళకు ‘గంగ(కాంచన 2)(ముని 3)’ తెరకెక్కింది. ఇది కూడా సూపర్ హిట్. అదే విధంగా 2019 వ సంవత్సరం లో ‘కాంచన 3 (ముని 4)’ తెరకెక్కింది. ఈ సినిమాకు డివైడ్ టాక్ వచ్చినప్పటికీ కూడా కమర్షియల్ గా పెద్ద బ్లాక్ బస్టర్ హిట్ గా నిల్చింది.
ఇక ప్రస్తుతానికి రాఘవ లారెన్స్ ‘కాంచన 4(ముని 5)’ ని తెరకెక్కిస్తున్నాడు. ఈ చిత్రం తో ‘కాంచన’ సిరీస్ కి ఎండ్ కార్డు ఇవ్వబోతున్నాడు. ఈ చిత్రానికి సంబంధించిన రెగ్యులర్ షూటింగ్ కార్యక్రమాలు మొదలై చాలా రోజులు అయ్యింది. వాస్తవానికి అయితే ఈ చిత్రానికి సంబంధించిన షూటింగ్ ఈ పాటికి పూర్తి అవ్వాలి , కానీ మరో మూడు నుండి నాలుగు నెలల సమయం పట్టే అవకాశం ఉందట. ఈ చిత్రం లో దెయ్యం గా పూజా హెగ్డే నటించబోతున్నట్టు సమాచారం. సినిమా ఆమె ఫ్లాష్ బ్యాక్ ఇప్పటి వరకు ఇండియన్ ఫిలిం ఇండస్ట్రీ హిస్టరీ లో ఏ సినిమాలో చూడని విధంగా ఉంటుందట. ఈ చిత్రం లో నోరా ఫతేహి కూడా కీలక పాత్ర పోషించబోతుంది. అయితే రీసెంట్ గానే ఈ సినిమాలోని కొన్ని సన్నివేశాలు చూసుకున్న రాఘవ లారెన్స్ ఎందుకో సంతృప్తి చెందలేదట.
అందుకే ఆ సన్నివేశాలను మరోసారి రీ షూట్ చేస్తున్నాడు. ఇప్పటికే రాఘవ లారెన్స్ ఈ చిత్రానికి అనుకున్న దానికంటే ఎక్కువ బడ్జెట్ ఖర్చు చేయించాడు. ‘కాంచన’ సిరీస్ చాలా ఫేమస్ కాబట్టి , ‘కాంచన 4’ కి ఇప్పటి నుండి తెలుగు , తమిళ బాషల నుండి పలువురు బయ్యర్స్ భారీ ఆఫర్స్ ని డిమాండ్ చేస్తున్నారట. అందుతున్న విశ్వసనీయ వర్గాల సమాచారం ప్రకారం ఈ చిత్రానికి తెలుగు , తమిళ భాషలకు కలిపి 150 కోట్ల రూపాయిల థియేట్రికల్ బిజినెస్ వేల్యూ పలుకుతుందట. రాబోయే రోజుల్లో ఈ చిత్రం నుండి విడుదల అవ్వబోయే ప్రమోషనల్ కంటెంట్ ని ఆడియన్స్ చూసిన తర్వాత ఈ వేల్యూ ఇంకా పెరిగే అవకాశాలు ఉన్నాయని అంటున్నారు ట్రేడ్ విశ్లేషకులు , చూడాలి మరి ఏమి జరగబోతుంది అనేది.
