Kamal Haasan Meets Vijay: తమిళ హీరో విజయ్ తమిళనాడు ముఖ్యమంత్రిగా బాధ్యతలు చేపట్టిన తర్వాత , ఆయన తీసుకుంటున్న నిర్ణయాలు కొన్ని ఇప్పుడు దేశవ్యాప్తంగా చర్చనీయాంశంగా మారాయి. కొన్ని అభినందించదగినవి గా ఉండగా , మరికొన్ని మాత్రం విమర్శలకు దారి తీస్తున్నాయి. ముఖ్యంగా అధికారం లోకి వచ్చిన వెంటనే ఆయన చేస్తాను అని చెప్పిన కొన్ని పనులను వాయిదా వేశాడు , దీనిపై ప్రతి పక్ష పార్టీలు తీవ్రంగా విమర్శిస్తున్నాయి. అంతే కాకుండా అసెంబ్లీ లో ప్రతిపక్ష నేత ఉదయనిధి స్టాలిన్ సనాతన ధర్మం మీద నెగెటివ్ కామెంట్స్ చేయడాన్ని టీవీకే పార్టీ ఖండించకుండా , సమర్ధించడం పై సోషల్ మీడియా లో పెద్ద ఎత్తున విమర్శలు కురిపిస్తున్నారు నెటిజెన్స్. ఇదంతా పక్కన పెడితే నేడు ప్రముఖ నటుడు కమల్ హాసన్ విజయ్ ఇంటికి వెళ్లి భేటీ అవ్వడం చర్చనీయాంశంగా మారింది.
ఈయన ప్రస్తుతం DMK పార్టీ తో ఉంటున్న సంగతి తెలిసిందే. ఎన్నికలకు ముందు సీఎం విజయ్ పై సెటైర్లు విసిరిన సందర్భాలు కూడా ఉన్నాయి. కరూర్ తొక్కిసలాట ఘటన సమయం లో కూడా ఈయన విజయ్ పై విమర్శలు కురిపించాడు. అలాంటి వ్యక్తి నేడు విజయ్ ని కలవడం చూస్తుంటే , కచ్చితంగా రాబోయే రోజుల్లో ఎదో జరగబోతుంది అని అంటున్నారు రాజకీయ విశ్లేషకులు. ఇక కమల్ హాసన్ సీఎం విజయ్ ని కలిసిన సందర్భంగా ట్విట్టర్ లో ట్వీట్ వేస్తూ ‘నేడు నా సోదరుడు , తమిళనాడు రాష్ట్ర ముఖ్యమంత్రి విజయ్ ని కలవడం జరిగింది. మేమిద్దరం చాలాసేపు మాట్లాడుకున్నాము , తమిళనాడు రాష్ట్రాన్ని అభివృద్ధి చేయడానికి విజయ్ తన ఆలోచనలు నాతో పంచుకున్నాడు , చాలా అద్భుతంగా అనిపించాయి. అదే విధంగా నేను కూడా మా సినీ ఇండస్ట్రీ తరుపున 6 డిమాండ్లను సీఎం ముందు పెట్టాను. తమిళనాడు ప్రభుత్వం వాటిని పరిగణలోకి తీసుకొని సినీ పరిశ్రమ అభివృద్ధి కి సహకరిస్తుందని భావిస్తున్నాను’ అంటూ చెప్పుకొచ్చాడు.
ఇకపోతే ప్రస్తుతం కమల్ హాసన్ DMK పార్టీ తరుపున రాజ్యసభ సభ్యుడిగా కొనసాగుతున్న సంగతి తెలిసిందే. నేడు విజయ్ ని కలవడం తో , భవిష్యత్తులో కమల్ హాసన్ టీవీకే పార్టీ లో చేరుతాడా అని సోషల్ మీడియా లో నెటిజెన్స్ చర్చించుకుంటున్నారు. రాజకీయాల్లో ఎప్పుడైనా , ఏదైనా జరగొచ్చు , శాశ్వత మిత్రులు ఉండరు , శత్రువులు ఉండరు, దశాబ్దాల నుండి DMK పార్టీ తో పొత్తులో కొనసాగిన కాంగ్రెస్ పార్టీ, ఎన్నికల్లో ఓడిపోగానే టీవీకే పార్టీ వైపు వచ్చేసింది. అలాంటిది కమల్ హాసన్ భవిష్యత్తులో విజయ్ తో చేతులు కలపకుండా ఉండదు అని అంటున్నారు రాజకీయ విశ్లేషకులు, చూడాలి మరి ఏమి జరగబోతుంది అనేది.
மாண்புமிகு தமிழ்நாடு முதலமைச்சர், தம்பி விஜய் @TVKVijayHQ அவர்களை இன்று நேரில் சந்தித்து வாழ்த்துகளைத் தெரிவித்தேன்.
தமிழ்நாட்டை மேம்படுத்தும் பல கனவுகளை உற்சாகத்துடன் பகிர்ந்துகொண்டார். சந்திப்பின்போது அவர் காட்டிய பண்பும் அன்பும் நெகிழ்ச்சியளித்தது.
பல்வேறு இடையூறுகளைச்… pic.twitter.com/timwTZeEdY
— Kamal Haasan (@ikamalhaasan) May 16, 2026
