Kamal Haasan Comments On Vijay: ఎన్నో సవాళ్లను అధిగమించి తమిళ సూపర్ స్టార్ విజయ్ స్థాపించిన టీవీకే పార్టీ సార్వత్రిక ఎన్నికల్లో సంచలన విజయం సాధించినప్పటి నుండి తమిళనాడు లో చోటు చేసుకున్న పరిణామాలు ఎలాంటివో మన కళ్లారా చూస్తూనే ఉన్నాం. అయితే ఎట్టకేలకు విజయ్ మ్యాజిక్ ఫిగర్ ని దాటి, గవర్నర్ వద్ద అనుమతిని తీసుకొని ప్రభుత్వాన్ని ఏర్పాటు చేశాడు . నిన్నటి నుండి అసెంబ్లీ సమావేశాలు మొదలయ్యాయి, ఈ సందర్భంగా ఆయన ముఖ్యమంత్రిగా ఎన్నో సంచలనాత్మక నిర్ణయాలు తీసుకున్నాడు. అందులో కొన్ని జనాలను విపారీతంగా ఆకర్షించింది. విజయ్ ని అభినందిస్తున్నారు , వారిలో తమిళ సూపర్ స్టార్స్ లో ఒకరైన కమల్ హాసన్ కూడా ఉన్నాడు. రీసెంట్ గా ఈయన ట్విట్టర్ లో సీఎం విజయ్ గురించి చేసిన కొన్ని కామెంట్స్ ఆసక్తికరంగా మారింది. కమల్ హాసన్ నుండి ఇలాంటి వ్యాఖ్యలు వస్తాయని విజయ్ ఫ్యాన్స్ అసలు ఊహించలేదు.
ఆయన మాట్లాడుతూ ‘ మా సినీ ఇండస్ట్రీ నుండి ఒకరు నేడు ముఖ్యమంత్రి అయ్యినందుకు నటుడిగా ఎంతో గర్వపడుతున్నాను. ముఖ్యంగా తమిళనాడు రాష్ట్ర మార్కెటింగ్ కార్పొరేషన్ ఆధ్వర్యంలో ప్రధాన మందిరాలు, పాఠశాలలు, కళాశాలల సమీపాల్లో నడుస్తున్న మద్యం దుకాణాలను ఖాళీ చెయ్యాలంటూ విజయ్ తీసుకున్న నిర్ణయం అత్యంత ప్రశంసనీయం’ అంటూ పొగడ్తలతో ముంచి ఎత్తాడు కమల్ హాసన్. విజయ్ ని జనాలు ఇక కేవలం సినీ హీరో గా చూడడం మానేయాలని , ఆయనకు రాష్ట్రాన్ని నడిపించే బాధ్యత ఉందని కమల్ హాసన్ గుర్తు చేశారు. ఇకపోతే కమల్ హాసన్ కి కూడా ‘మక్కల్ నీది మైయం’ అనే పార్టీ ఉన్న సంగతి తెలిసిందే. 2021 తమిళనాడు సార్వత్రిక ఎన్నికల్లో ఆయన పార్టీ పోటీ కూడా చేసింది. కానీ స్వయంగా కమల్ హాసన్ కూడా ఓడిపోవడం తో, కొన్నాళ్ళకు ఆయన డీఎంకే పార్టీ తో జతకట్టాడు. ఆ తర్వాత ఆ పార్టీ తరుపున రాజ్యసభకు కూడా ఎంపికయ్యాడు. ఈ సార్వత్రిక ఎన్నికల్లో కమల్ హాసన్ పోటీ చేయలేదు. అయితే తన మిత్రపక్షం ఓడిపోయినప్పటికీ కూడా కమల్ హాసన్ సీఎం విజయ్ గురించి ఇంత గొప్పగా మాట్లాడడం ఇప్పుడు హాట్ టాపిక్ గా మారిన అంశం. మరి రాబోయే రోజుల్లో కూడా ఇంతే సాఫ్ట్ గా ఉంటారా , లేకపోతే విమర్శలు చేస్తాడా అనేది చూడాలి.
