చిరు సినిమాపై క్లారిటీ ఇచ్చిన కాజల్

Follow us on

కొరటాల శివ-మెగాస్టార్ చిరంజీవి కాంబినేషన్లలో తెరకెక్కుతున్న ‘ఆచార్య’ మూవీపై ప్రేక్షకుల్లో భారీ అంచనాలున్న సంగతి తెల్సిందే. అయితే ఈ మూవీలో చిరు పక్కన నటించే హీరోయిన్ల విషయంలో పలురకాల కథనాలు విన్పిస్తున్నాయి. చిరు పక్కన నటించే హీరోయిన్ల విషయంలో తెరపైకి పలువురి పేర్లు తెరపైకి వచ్చినప్పటికీ ఆ అవకాశం తొలుత త్రిషకు దక్కింది. అయితే అనుకోని కారణాలతో ఈ మూవీ నుంచి త్రిష తప్పుకోవడంతో ఈ బంపరాఫర్ కాజల్ అగర్వాల్ కు దక్కింది. అయితే త్రిష లాగే కాజల్ కూడా ఈ మూవీ నుంచి తప్పుకుందనే ప్రచారం ఇటీవల సోషల్ మీడియాలో పెద్దఎత్తున ప్రచారం జరిగింది. దీంతో మెగా అభిమానుల్లో కలవరం మొదలైంది.

తెలంగాణలో మరో రెండు వారాలు లాక్ డౌన్!

ఈ విషయంపై తాజాగా కాజల్ అగర్వాల్ స్పందించింది. ‘ఆచార్య’ మూవీతో తాను నటించే విషయంపై ఫుల్ క్లారిటీ ఇవ్వడంతోపాటు అభిమానులకు గుడ్ న్యూస్ చెప్పింది. ‘ఆచార్య’ సినిమాలో చిరంజీవి పక్కన నటించేందుకు తానేంతో ఆత్రుతగా ఎదురుచూస్తున్నానని తెలిపింది. ఈ మూవీ నుంచి తప్పుకున్నట్లు వస్తున్న వార్తలో నిజం లేదని మెగా అభిమానులకు గుడ్ న్యూస్ చెప్పింది. కాగా చిరంజీవి రీ ఎంట్రీ మూవీ ‘ఖైదీ-150’లో కాజల్ నటించిన సంగతి తెల్సిందే. బాస్ ఈజ్ బ్యాక్ అంటూ వచ్చిన ఈ మూవీలో మెగాస్టార్ కు జోడీగా నటించి మెప్పించింది. ఈ మూవీ కలెక్షన్ల వర్షం కురిపించి బాక్సాఫీస్ వద్ద మెగాస్టార్ స్టామినా ఏంటో మరోసారి చూపించింది. కాగా ‘ఆచార్య’ మూవీకి మ్యూజికల్ బ్రహ్మ మణిశర్మ అదిరిపోయే మ్యూజిక్ ఇవ్వనున్నారు. చాలారోజుల తర్వాత మణిశర్మ-చిరంజీవి కాంబినేషన్లో ‘ఆచార్య’ మూవీ ప్రేక్షకుల ముందుకు రాబోతుంది.