RRR Movie: దర్శక ధీరుడు ఎస్ ఎస్ రాజమౌళి ప్రతిష్టాత్మకంగా తెరకెక్కిస్తున్న చిత్రం “ఆర్ఆర్ఆర్”. మెగా పవర్ స్టార్ రామ్ చరణ్, జూనియర్ ఎన్టీఆర్ కలిసి ఈ సినిమాలో నటిస్తున్నారు. రామ్ చరణ్ అల్లూరి సీతారామరాజుగా కనిపించబోతుండగా… ఎన్టీఆర్ కొమరం భీమ్ గా అలరించ నున్నారు. కాగా వీరి సరసన ఒలీవియా మోరిస్, ఆలియా భట్ హీరోయిన్స్ నటిస్తున్నారు. కాగా అజయ్ దేవగన్, శ్రియ , సముద్రఖని ముఖ్య పాత్రల్లో కనిపించనున్నారు. ఈ నేపథ్యంలో తాజాగా ఈ సినిమాకు కూడా లీకుల బెడద తప్పట్లేదు.
పాన్ ఇండియా లెవెల్లో నిర్మిస్తున్న ఈ మూవీ నుంచి తాజాగా ఎన్టీఆర్ కు సంబంధించిన ఓ ఫోటో సోషల్ మీడియా లో వైరల్ గా మారింది. అయితే ఈ లీకైన ఫోటోలో కొమరం భీమ్ గా ఓ రేంజ్ లో ఉన్న్రని చెప్పాలి. తలపాగా చుట్టుకుని… వెనకాల తుపాకి తగిలించుకుని ఉన్న ఎన్టీఆర్ ను చూస్తుంటే నిజంగా కొమరం భీమ్ ను చూసినట్లే ఉంది. ఇక ఈ ఫోటో లీక్ కావడం తో ఈ సినిమా పై అంచనాలు మరింత పెరిగాయి.
భారీ బడ్జెట్ తో డివివి దానయ్య ఈ సినిమాను నిర్మిస్తున్నారు. కాగా ఇప్పటికే ఈ సినిమాకు సంబంధించి విడుదలైన పోస్టర్లు, వీడియో లకు అదిరిపోయే రెస్పాన్స్ లభించింది. ఇప్పటికే షూటింగ్ పూర్తిచేసుకున్న ఈ మూవీ… ప్రస్తుతం పోస్ట్ ప్రొడక్షన్ పనులు జరుపుకుంటుంది. అటు చరణ్, తారక్ సైతం ఈ మూవీ డబ్బింగ్ పనులు కూడా పూర్తి చేశారు. ఇక వచ్చే ఏడాది సంక్రాంతి కానుకగా జనవరి 7న ఈ మూవీ ప్రేక్షకుల ముందుకు రాబోతుంది.
