2018 లో అరవింద సామెత వీర రాఘవ చిత్రం లో నటించాక చిన్న ఎన్టీఆర్ మరో చిత్రం లో నటించలేదు . తాజాగా ” రౌద్రం రణం రుధిరం ” చిత్రం లో ఇద్దరు హీరోల్లో ఒకడిగా నటిస్తున్నాడు. టాప్ డైరెక్టర్ రాజమౌళి దర్శకత్వం లో రూపొందుతున్న ఈ చిత్రం ఫై అంచనాలు భారీగా ఉన్నాయి. ఈ సినిమా తరువాత త్రివిక్రమ్ శ్రీనివాస్ దర్శకత్వంలో ఎన్టీఆర్ మరో చిత్రం చేయనున్నాడు. అందుకు సంబంధించిన స్క్రిప్ట్ పై త్రివిక్రమ్ వర్క్ కూడా చేస్తున్నాడు. అయితే ఆ తరువాత ఎన్ టి ఆర్ చేయబోయే ప్రాజెక్టు పెళ్లి చూపులు ఫేమ్ తరుణ్ భాస్కర్ తో ఉండొచ్చనే వార్త బయటి కొచ్చింది .
తరుణ్ భాస్కర్ వైవిధ్యభరితమైన కథలకు ఎక్కువగా ప్రాధాన్యతనిస్తాడు. ఆయన టేకింగ్ కూడా డిఫరెంట్ గా ఉంటుంది. ఇంతకు ముందు తరుణ్ భాస్కర్ డైరెక్ట్ చేసిన `పెళ్లిచూపులు , ఈ నగరానికి ఏమైంది `చిత్రాలు చూస్తే ఆ విషయం అర్ధమౌతుంది . ఇపుడు తనదైన స్టైల్లో ఎన్టీఆర్ ను చూపించడానికి కూడా తరుణ్ భాస్కర్ ఆసక్తిని చూపుతున్నాడు. ఆ ప్రాసెస్ లో ఆల్రెడీ ఎన్టీఆర్ కి ఒక కథను కూడా వినిపించినట్టుగా తెలుస్తోంది. ఇక ఎన్టీఆర్ నుంచి సమాధానం మాత్రమే రావలసి వుంది. ఎన్టీఆర్ ఓకే అంటే ఈ సినిమా సెట్స్ పైకి వెళుతుంది.
