Sirivennela: సిరివెన్నెల మృతితో సినీలోకం మూగబోయింది. ఈ క్రమంలోనే ఆయనను చివరిచూపు చూసుకునేందుకు పలువురు సినీ ప్రముఖులు, సన్నిహితులు, అభిమానులు తరలివస్తున్నారు. ఇప్పటికే చాలా మంది సినినమా స్టార్స్ సిరివెన్నెల పార్థివదేహాన్ని సందర్శించి నివాళులు అర్పించారు. ఆయన ఆత్మకు శాంతి చేకూరాని పార్థించారు. మెగాస్టార్ చిరంజీవి, నందమూరి బాలకృష్ణ, మహేష్ బాబు, రానా , నాగార్జున, వెంకటేశ్ తదితరులు సిరివెన్నెల భౌతికగాయాన్ని సందర్శించారు.
తాజాగా, ఎన్టీఆర్ కడసారి సిరివెన్నెలను చూసేందుకు వచ్చారు. మరికొద్దిసేపట్లో ఆయన పార్థివదేహానికి అంత్యక్రియలు జరగనున్నాయి. ఈ క్రమంలోనే సిరివెన్నెల నిర్జీవంగా ఉండటాన్ని చూసి.. బరువెక్కిన హృదయంతో తారక్ మాట్లాడారు.
కొన్ని సార్లు మన ఆవేదనను, బాధను వ్యక్తపరచాలంటే మాటలు కూడా చాలవని అన్నారు. అలాంటి భావాలను సిరివెన్నెల తన కలంతో వ్యక్తపరిచారని అన్నారు. బహుశా ఈ ఆవేదనను ఆయన తన కలంతోనే వ్యక్తపరిస్తే బాగుండేందని ఎమోషనల్ అయ్యారు. సీతారామశాస్త్రి గారి కలం ఆగినా.. ఆయన రాసిన ఎన్నో అద్భుతమైన పాటలు, అక్షరాలు, తెలుగు జాతి, తెలుగు భాష బతికున్నంత కాలం అలా చిరస్మరణీయంగా నిలిచిపోతుంది అన్నారు. రాబోయే తరాలకు ఆ సాహిత్యం బంగారు బాటలు వేయాలని కోరారు. పైనుంచి ఆయన చల్లని చూపు ఎల్లప్పుడూ అదరిపై ఉండాలని భవగవంతుడిని ప్రార్థిస్తున్నట్లు తారక్ తెలిపారు.
