Nagarjuna acting in Hit movie sequel: నాగార్జున హీరోగా చేసిన చాలా సినిమాలు అతన్ని టాప్ లెవల్లో నిల్చో బెట్టాయి. కెరియర్ స్టార్టింగ్ లో రొమాంటిక్ హీరోగా పేరు సంపాదించుకున్న ఆయన ఆ తర్వాత మాస్ హీరోగా అవతరించి ప్రేక్షకుల హృదయాలను కొల్లగొట్టాడు. ఫ్యామిలీ ఎంటర్ టైనర్స్ ను చేయడంలో కూడా అతనిని మించిన వారు ఎవరు లేరనెంతల పేరు ప్రఖ్యాతలను పొందాడు. ఇక పౌరాణిక సినిమాలకు కూడా నాగార్జున కేరాఫ్ అడ్రస్ గా మారాడు. ముఖ్యంగా అన్నమయ్య, శ్రీ రామదాసు లాంటి సినిమాలతో పెను ప్రభంజనాలను సృష్టించిన ఆయన ఆ తర్వాత కాలంలో కూడా షిరిడి సాయిబాబా, ఓం నమో వెంకటేశాయ లాంటి సినిమాలతో ప్రేక్షకుల హృదయాలను దోచుకున్నాడు. అయితే ఇప్పుడు నాగార్జున ఒక సూపర్ హిట్ సినిమాకి సీక్వెల్ లో నటించాలనే ప్రయత్నంలో ఉన్నట్టుగా తెలుస్తుంది.
అక్కినేని ఫ్యామిలీ అంతా కలిసి నటించిన మనం సినిమా వాళ్ళ ఫ్యామిలీ మూవీ లాగా హిస్టరీ లో అలా నిలిచిపోయిందని చెప్పాలి. ఇక అలాంటి సినిమాకి సీక్వెల్ గా మనం 2 మూవీ చేయాలనే ఉద్దేశ్యంలో నాగార్జున ఉన్నాడట. ఇక ఇప్పటికే విక్రమ్ కే కుమార్ అతనికి కథనైతే వినిపించాడు.
ఆ కథ కూడా చాలా ఎక్సైటింగ్ గా ఉండడంతో నాగార్జున ‘మనం 2’ సినిమా చేద్దామా అనే ధోరణిలో ఆలోచిస్తున్నారట. ఇక మనం 2 అనే సినిమా చేస్తే ఆ సినిమా మొదటి పార్ట్ ని మించి ఉండాలి. లేకపోతే మనం అనేది ఒక క్లాసికల్ మూవీ నిలిచిపోయింది. కాబట్టి దాని పేరు చెడిపోయే ప్రమాదం ఉందనే రీతిలో నాగార్జున ఆలోచిస్తున్నారట.
ఇక మొత్తానికైతే నాగార్జున ఈ సినిమా చేసే అవకాశం ఉందా? లేదా అని ధోరణిలో కూడా కొన్ని అభిప్రాయాలు వ్యక్తమవుతున్నాయి… ఒకవేళ ఈ సినిమా కనుక చేసినట్లయితే అది కొంతవరకు కత్తి మీద సాము లాంటిదనే చెప్పాలి. విక్రమ్ కే కుమార్ ఈ సినిమాని చాలా కంఫర్ట్ జోన్ లో చిత్రీకరించాల్సిన అవసరమైతే ఉంటుంది. లేకపోతే మాత్రం సినిమా మొదటికే మోసం వచ్చే ప్రమాదం ఉంది…
