Anushka Shetty Marriage: లేడీ సూపర్ స్టార్ అనుష్క శెట్టి పెళ్లి ఎప్పుడనేది ఎవర్ గ్రీన్ టాపిక్. 40 ప్లస్ లోకి వెళ్లిన అనుష్క పెళ్లి మాటెత్తడం లేదు. అయితే ఆయనతో పెళ్లి ఈయనతో పెళ్లి అంటూ పుకార్లు మాత్రం చక్కర్లు కొడుతున్నాయి. ఇటీవల హైదరాబాద్ కి చెందిన నగల వ్యాపారితో అనుష్క పెళ్లి ఫిక్స్ అయ్యిందంటూ కథనాలు వెలువడ్డాయి. ఆ వార్త కూడా ఎప్పటిలానే గాలిలో కలిసిపోయింది. బాగా ప్రాచుర్యం పొందిన వార్త మాత్రం… ప్రభాస్-అనుష్కల వివాహం. ఏళ్ల తరబడి ఇది మీడియాలో నానుతూనే ఉంది. బాహుబలి 2 విడుదలయ్యాక అనుష్క మెడలో ప్రభాస్ తాళికడతాడని వందల సంఖ్యలో వార్తలొచ్చాయి.
ఇక సాహో మూవీ ప్రమోషన్స్ లో ప్రభాస్ ని ఈ ప్రశ్న వెంటాడింది. చెన్నై, ముంబై, బెంగుళూరు ఏ నగరానికి వెళ్లినా అనుష్కతో మీకున్న బంధం ఏమిటని అడిగేవారు. చేసేది లేక ప్రభాస్ సహనంగా మేము మిత్రులం మాత్రమే అని సమాధానం చెప్పేవాడు. ఏళ్ళు గడుస్తున్నా ప్రభాస్-అనుష్కల పెళ్లి పుకారుగానే ఉన్న నేపథ్యంలో మీడియా దీనిపై ఫోకస్ తగ్గించేసింది. ప్రభాస్ తో అనుష్క వివాహం జరగనిపని అని ఒక నిర్ణయానికి వచ్చారు.
కాగా ప్రభాస్ కంటే ముందు ఒక హీరో, మరొక సినిమాటోగ్రాఫర్ తో అనుష్క పెళ్లి అంటూ ప్రధానంగా వినిపించింది. ఆ హీరో ఎవరో కాదు గోపి చంద్. సిల్వర్ స్క్రీన్ పై అనుష్క-గోపి చంద్ సక్సెస్ ఫుల్ పెయిర్ గా ఉన్నారు. వీరిద్దరి కాంబినేషన్ లో లక్ష్యం, శౌర్యం చిత్రాలు తెరకెక్కాయి. లక్ష్యం సూపర్ హిట్ కాగా, శౌర్యం మూవీ పర్లేదు అనిపించుకుంది. ఆ చిత్రాల సమయంలో అనుష్క-గోపీచంద్ మధ్య సంథింగ్ సంథింగ్ అంటూ వార్తలు వచ్చాయి. వారిద్దరూ పెళ్లి చేసుకోనున్నారని కథనాలు వెలువడ్డాయి. కానీ అది జరగలేదు. 2013 లో గోపిచంద్ నటుడు శ్రీకాంత్ కి మేనకోడలిని వివాహం చేసుకున్నాడు.
అలాగే సినిమాటోగ్రాఫర్ సెంథిల్ కుమార్ తో అనుష్క పెళ్లి అంటూ వార్తలొచ్చాయి. ఇరు కుటుంబాల సభ్యులు మాట్లాడుకున్నారని, త్వరలో పెళ్లని గట్టిగా ప్రచారమైంది. ఈ పుకార్లు వినిపించిన కొన్నాళ్ళకు సెంథిల్ కుమార్ వేరే అమ్మాయిని వివాహం చేసుకోవడం జరిగింది. అలా ప్రభాస్ కంటే ముందు గోపీచంద్, సెంథిల్ కుమార్లతో అనుష్క పెళ్లని వార్తలు వచ్చాయి. ఏది ఏమైనా… అనుష్క పెళ్లి చేసుకొని మ్యారీడ్ లైఫ్ స్టార్ట్ చేయాలని ఫ్యాన్స్ కోరుకుంటున్నారు. ప్రస్తుతం ఆమె నవీన్ పోలిశెట్టి సినిమాలో హీరోయిన్ గా నటిస్తున్నారు.
