Ram Charan Bodyguard Kevin Kunt: గత కొన్ని రోజులుగా సోషల్ మీడియా లో విస్తృతంగా వినిపిస్తున్న పేరు కెవిన్ కుంట. ఈయన గ్లోబల్ స్టార్ రామ్ చరణ్ కి వ్యక్తిగత బాడీ గార్డ్. ‘పెద్ది’ మూవీ మరో రెండు రోజుల్లో విడుదల అవ్వబోతున్న సందర్భంగా , ఈ సినిమాకు సంబంధించిన ప్రొమోషన్స్ లో రామ్ చరణ్ ఫుల్ బిజీ గా ఉన్నాడు. ఈ సందర్భంగా ప్రతీ ఈవెంట్ లోనూ రామ్ చరణ్ కి సెక్యూరిటీ ఇస్తూ బాగా హైలైట్ అయ్యాడు కెవిన్. ముఖ్యంగా అభిమానుల పట్ల ఆయన నడుచుకునే తీరుకి సోషల్ మీడియా లో మంచి ఫాలోయింగ్ పెరిగింది. ఒక ఇంటర్వ్యూ లో రామ్ చరణ్ ని కెవిన్ గురించి అడగ్గా, అందుకు ఆయన సమాధానం చెప్తూ ‘కెవిన్ గొప్ప నైపుణ్యం ఉన్న మనిషి , మంచి మనసు ఉన్నోడు , అతను నాకు మాత్రమే బాడీ గార్డ్ కాదు , మా కుటుంబం మొత్తానికి బాడీ గార్డ్ గా వ్యవహరిస్తూ రక్షణ కల్పిస్తున్నాడు, అందుకు నేను కృతజ్ఞుడిని’ అంటూ చెప్పుకొచ్చాడు రామ్ చరణ్.
ఇంతకీ ఈ కెవిన్ మరెవరో కాదు , ఇటలీ దేశం లో ప్రొఫెషనల్ MMA ఫైటర్, అంతర్జాతీయ స్థాయిలో జరిగిన ఎన్నో పోటీలలో కూడా ఆయన పాల్గొన్నాడు. అంతే కాదు , కెవిన్ కి సైతం ప్రత్యేకంగా బాడీ గార్డ్స్ ఉన్నారు. ఆయన్ని నిరంతరం వాళ్ళు బయటకి వచ్చినప్పుడల్లా రక్షిస్తూనే ఉంటారు. ఇటలీ లో ఆ స్థాయి సెలబ్రిటీ కెవిన్. అలాంటి వ్యక్తి ఇప్పుడు రామ్ చరణ్ కి , ఆయన కుటుంబానికి బాడీ గార్డ్ గా వ్యవహరిస్తున్నాడంటే, అతనికి ఏ రేంజ్ రెమ్యూనరేషన్ ఇస్తున్నారో అర్థం చేసుకోవచ్చు. సోషల్ మీడియా లో కెవిన్ మీద ప్రచారం అవుతున్న ఈ కథనాలు చూసి , రామ్ చరణ్ ఫ్యాన్స్ చాలా గర్విస్తున్నారు. ఇతని ఫిజిక్ చూస్తుంటే సినిమాల్లో కూడా నటించొచ్చు కదా అని అనిపిస్తోంది అంటూ చరణ్ ఫ్యాన్స్ కామెంట్స్ చేస్తున్నారు.
ఇక ‘పెద్ది’ విషయానికి వస్తే , ఈ చిత్రం రేపు ప్రీమియర్ షోస్ తో గ్రాండ్ గా తెలుగు రాష్ట్రాల్లో మొదలు కాబోతుంది. ఈ ప్రీమియర్ షోస్ కి ఆంధ్ర ప్రదేశ్ లో అడ్వాన్స్ బుకింగ్స్ అద్భుతంగా జరిగాయి. కాసేపట్లో తెలంగాణ కి సంబంధించిన అడ్వాన్స్ బుకింగ్స్ కూడా గ్రాండ్ గా ప్రారంభం కాబోతున్నాయి. తెలంగాణ లో బుకింగ్స్ మొదలు అవ్వకముందే , ఈ చిత్రానికి ప్రపంచవ్యాప్తంగా 25 కోట్ల రూపాయిల రేంజ్ లో అడ్వాన్స్ బుకింగ్స్ జరిగాయి. పూర్తి స్థాయిలో బుకింగ్స్ మొదలయ్యాక 50 కోట్ల రూపాయలకు పైగానే అడ్వాన్స్ బుకింగ్స్ జరగొచ్చని అంటున్నారు ట్రేడ్ విశ్లేషకులు.
