Anji Movie: కొన్ని సినిమాలు కొందరు హీరోలు చేస్తే సూపర్ సక్సెస్ సాధిస్తాయి. అయితే మరికొన్ని సినిమాలు మాత్రం ఏ హీరోలు చేసిన ఆ సినిమా కంటెంట్ బాగుంటే హీరోలతో సంబంధం లేకుండా ఆటోమేటిక్ గా ఆ సినిమాలు హిట్ అవుతూ ఉంటాయి. కానీ కొన్ని పెద్ద సినిమాలకు మాత్రం పెద్ద హీరో అవసరం ఉంటుంది. ఎందుకంటే ఆ సినిమా స్టోరీ ని వాళ్ళు మాత్రమే హ్యాండిల్ చేయగలరు.
అలాగే ఆ సినిమా మీద పెట్టిన బడ్జెట్ రికవరీ అవ్వాలి అంటే స్టార్ హీరోలు అయితేనే అది సాధ్యం అవుతుంది. స్టార్ హీరోల సినిమాలు అయితేనే ప్రేక్షకులు కూడా ఎక్కువగా చూడ్డానికి ఇష్టపడతారు. కాబట్టి మంచి స్టోరీని పెద్ద బడ్జెట్ లో స్టార్ హీరో తో తీసి సక్సెస్ సాధించాలని ప్రతి ఒక్క దర్శకుడు గానీ, నిర్మాత గానీ కోరుకుంటూ ఉంటారు. ఇక ఇలాంటి క్రమంలోనే మంచి దర్శకుడి గా పేరు పొందిన కోడి రామకృష్ణ తీసిన అంజి సినిమా పరిస్థితి కూడా ఇలాంటిదే. అయితే ఈ సినిమాని మొదటగా వెంకటేష్ తో చేయాలని కోడి రామకృష్ణ అనుకున్నప్పటికీ దానికి వెంకటేష్ కూడా ఓకే అని సినిమా చేయడానికి సిద్ధమయ్యాడు. కానీ అనుకోకుండా ఈ స్క్రిప్ట్ ని ప్రొడ్యూసర్ శ్యామ్ ప్రసాద్ రెడ్డి చిరంజీవితో చెప్పడంతో ఆయనకి ఈ స్క్రిప్ట్ విపరీతంగా నచ్చడంతో నేను ఈ సినిమా చేస్తానని చెప్పాడు.
ఇక దాంతో వెంకటేష్ కంటే చిరంజీవి మార్కెట్ పెద్దది కాబట్టి ఈ సినిమా నుంచి వెంకటేష్ ని తప్పించి ఆయన ప్లేస్ లోకి చిరంజీవిని తీసుకున్నారు. అయితే అంతకు ముందే కోడి రామకృష్ణ వెంకటేష్ కాంబోలో దేవీ పుత్రుడు అనే సినిమా వచ్చింది. ఆ సినిమా ఆశించిన విజయాన్ని అందుకోకపోవడంతో మళ్ళీ వెంకటేష్ తోనే సినిమా చేయాలని కోడి రామకృష్ణ ఫిక్స్ అయ్యాడు. కానీ అనుకోని కారణాలవల్ల ఈ ప్రాజెక్టులోకి చిరంజీవి ఎంటర్ అయ్యాడు.
ఇక మొత్తానికి అంజి సినిమాని తీసి రిలీజ్ చేసినప్పటికీ ఈ సినిమా మాత్రం ఆశించిన స్థాయిలో విజయాన్ని అందించలేకపోయింది. ఎందుకంటే అప్పుడు ఉన్న ప్రేక్షకుల స్థాయిని బట్టి ఆ సినిమా వాళ్లకి అడ్వాన్స్డ్ గా అనిపించడంతో ఆ టైమ్ కి ఆ స్టోరీని వాళ్ళు జీర్ణించుకోలేకపోయారు. ఇక ఈ సినిమా లో గ్రాఫిక్స్ కూడా ఓవర్ గా ఉండడంతో ఈ సినిమా చూసిన ప్రేక్షకులు ఈ సినిమా ని ఏదో మ్యాజిక్ లాగా ఫీలయ్యారు. దానివల్లే ఆ సినిమా పెద్దగా ఆడలేదు కానీ ఇప్పుడు కనక ఆ సినిమా వచ్చి ఉంటే సూపర్ డూపర్ హిట్ సినిమాగా నిలిచేది అంటూ చాలా మంది ఆ సినిమా గురించి మాట్లాడుతూ ఉంటారు…
