Hari Hara Veeramallu Shocking truth: నిజ జీవితం లో ఉన్న క్యారెక్టర్స్ ని తీసుకొని ఫిక్షనల్ గా కథలను జోడించి సినిమాలు తీయడం మన ఇండియన్ ఫిల్మ్ ఇండస్ట్రీ లో కొత్తేమి కాదు. ఆస్కార్ అవార్డ్స్ ని అందుకున్న #RRR కూడా అలాంటిదే. కొమరం భీం, అల్లూరి సీత రామరాజు క్యారెక్టర్స్ ని తీసుకొని, రాజమౌళి(SS Rajamouli) ఒక ఫిక్షనల్ కథ ని అల్లాడు. దానికి ఆడియన్స్ నుండి అద్భుతమైన రెస్పాన్స్ వచ్చింది, రియల్ లైఫ్ క్యారెక్టర్స్ ని ఉపయోగించినందుకు, ఆ రెండు పాత్రలకు సంబంధించిన అభిమానుల మనోభావాలు కూడా నొచ్చుకోలేదు. విడుదల తర్వాత అప్పట్లో ఈ సినిమా పై అనేక వివాదాలు చుట్టుకుంటాయని అంతా అనుకున్నారు,కానీ అలాంటిదేమి జరగలేదు. అయితే మరో వారం రోజుల్లో మన ముందుకు రాబోతున్న పవన్ కళ్యాణ్(Deputy CM Pawan Kalyan) ‘హరి హర వీరమల్లు'(Hari Hara Veeramallu) చిత్రం మాత్రం విడుదల తర్వాత కొన్ని వివాదాల్లో చిక్కుకునే అవకాశాలు ఉన్నాయి, ఎందుకో ఒకసారి చూద్దాం.
ఈ సినిమా టైటిల్ ని ప్రకటించినప్పుడే ఇది విజయనగరం సామ్రాజ్యం కాలం లో ఉన్న ‘హరి హర బుక్క రాయులు’ వారి స్టోరీ అని అంతా అనుకున్నారు. అయితే అతని కాలం లో ఔరంగజేబు అనే వ్యక్తి అసలు పుట్టనే లేదు కదా?, మరి సినిమా కథలో ఎలా చూపించారు అనే సందేహం అప్పట్లో అందరిలో మొదలైంది. చరిత్రని వక్రీకరిస్తున్నారా అనే అనుమానాలు కూడా వ్యక్తం చేశారు. ఆ తర్వాత కొన్నాళ్ళకు ఇది ‘హరి హర బుక్క రాయులు’ వారి కథ కాదనీ, తెలంగాణ రాబిన్ హుడ్ ‘సర్దార్ పాపన్న గౌడ్’ జీవిత చరిత్ర ఆధారంగా ఈ సినిమాని తెరకెక్కించారని అంతా అనుకున్నారు. ఈమధ్యనే కథని వక్రీకరించారని, ఈ సినిమా విడుదలను అడ్డుకుంటూ హై కోర్టు లో పిల్ కూడా వేస్తామని సర్దార్ పాపన్న గౌడ్ ని అభిమానించే వారు మీడియా ముందుకొచ్చి వార్నింగ్ ఇచ్చారు.
Also Read: HHVM movie story: ‘హరి హర వీరమల్లు’ కు నిజాం రాజుకు ఏంటి సంబంధం..? చార్మినార్ కథలో ఎందుకు ఉంది?
అయితే ఆ చిత్ర నిర్మాత AM రత్నం ఇది కేవలం కల్పిత కథ మాత్రమేనని, ఎవరిని ఆదర్శంగా తీసుకొని తీర్చిదిద్దిన కథ కాదని చెప్పుకొచ్చాడు. ఆయన మాట్లాడుతూ ‘హరి హర వీరమల్లు మొగలుల కాలం నాటి కథ. మొఘలులు భారతదేశాన్ని ఏలుతున్న రోజుల్లో హిందువులపై అరాచకాలు చోటు చేసుకున్నాయి. ప్రజల శ్రమను, సంపదను వాళ్ళు దోచుకున్నారు. సామాన్యుడి నుండి దొరలు, దొరల నుండి నవాబులు, నవాబుల నుండి మొఘలులు ప్రజల సంపద లాక్కున్నారు. ఈ అరాచకాలు ఎక్కువైపోయినప్పుడు… దీనార్థులను కాపాడేందుకు బందిపోటుగా వస్తాడు పవన్… అతడే హరి హర వీరమల్లు. హరి హర వీరమల్లుగా పవన్ కళ్యాణ్ వస్తాడు’ అంటూ చెప్పుకొచ్చాడు.
అక్కడితో ఈ వ్యవహారం శాంతించింది. కానీ కల్పిత కథలో ఔరంగజేబు ని విలన్ గా చూపించడం ఎంత వరకు సబబు అనే వాదన కూడా ఒక వర్గం నుండి వినిపిస్తుంది. ‘చావా’ అంటే జరిగిన కథ, ఔరంగజేబు చేసిన అకృత్యాలు చరిత్ర పుస్తకాల్లో రాసుంది కాబట్టి, పెద్దగా ఎవ్వరూ అభ్యంతరం వ్యక్తం చేయలేదు. కానీ ఇక్కడ ‘హరి హర వీరమల్లు’ చిత్ర కథ కల్పితం అని చెప్పి, ఔరంగజేబు ని ఉద్దేశపూర్వకంగా విలన్ గా చేసి చూపించారు. ఆయన్ని అభిమానించే వాళ్ళ సంఖ్య కూడా చాలా ఎక్కువగానే ఉంటుంది. విడుదల తర్వాత ఈ చిత్రానికి వాళ్ళ వైపు నుండి అభ్యంతరాలు వ్యక్తం అయ్యే అవకాశాలు ఉన్నాయి. చూడాలి మరి ఏమి జరగబోతుంది అనేది.
