Trivikram Srinivas: మాటల మాంత్రికుడిగా గొప్ప గుర్తింపును సంపాదించుకున్న రచయిత త్రివిక్రమ్ శ్రీనివాస్… ఆయన నుంచి వచ్చిన ప్రతి సినిమాలో మాటలు తూటాల్లా పేలుతుంటాయి. ఇక దర్శకత్వ విభాగంలో కూడా ఆయన తన ప్రతిభను చూపించుకున్నాడు. ప్రస్తుతం ఆయన ‘ఆదర్శ కుటుంబం’ సినిమా చేస్తున్నాడు. ఇక ఈ సినిమా తర్వాత ఎన్టీఆర్ తో మూవీ చేయబోతున్నాడు. పురాణాల కథ ను తీసుకొని దానికి ఫిక్షన్ యాడ్ చేసి ఆ స్టోరీని మలచబోతున్నట్టుగా తెలుస్తుంది. ఇక ఇదిలా ఉంటే ప్రస్తుతం త్రివిక్రమ్ కి రైటింగ్ సెన్స్ పోయిందని అందువల్లే ఆయన వేరే రైటర్స్ తో రాయిస్తున్నాడు అనే వార్తలైతే వస్తున్నాయి. నిజానికి ఎన్టీఆర్ సినిమాకి రచయిత త్రివిక్రమ్ కాదట. వేరే రైటర్స్ తో కథను సిద్ధం చేస్తున్నాడట. ప్రస్తుతం అందుతున్న సమాచారం ప్రకారం రైటర్ విజయేంద్ర ప్రసాద్ ఈ కథను రెడీ చేస్తున్నట్టుగా తెలుస్తుంది. ఇక త్రివిక్రమ్ కూడా కథలో ఇన్వాల్వ్ అవుతున్నాడట. ఇద్దరు కలిసి స్క్రిప్ట్ రెడీ చేస్తున్నట్టుగా తెలుస్తుంది. ఇక ప్రస్తుతం ఆదర్శ కుటుంబం సినిమా షూటింగ్ శరవేగంగా జరుగుతుంది. కాబట్టి ఈ సినిమాని అక్టోబర్ 2 వ తేదీన ప్రేక్షకుల ముందుకు తీసుకురావడానికి సన్నాహాలు చేస్తున్నారు.
ఈ సినిమా రిలీజ్ అయిన తర్వాత జూనియర్ ఎన్టీఆర్ సినిమా మీద తను పూర్తిస్థాయిలో ఫోకస్ చేయబోతున్నట్టుగా తెలుస్తుంది… త్రివిక్రమ్ బలం రైటింగ్ అలాంటిది ఆయన ఇప్పుడు రైటింగ్ సెన్స్ కోల్పోవడం అనేది సరైనది కాదని కొంతమంది అంటున్నారు. కొందరు కావాలని ఇలాంటి వార్తలను క్రియేట్ చేస్తున్నారని ఇప్పటికీ త్రివిక్రమ్ మంచి కథలను, డైలాగ్ లను రాయగలడు అని మరికొంతమంది భావిస్తూ ఉండడం విశేషం…
ఇక ఏది ఏమైనా కూడా ఇండియన్ సినిమా ఇండస్ట్రీని శాసించగలిగే దర్శకులలో త్రివిక్రమ్ కూడా ఒకరంటూ చాలామంది చెబుతున్నారు. కానీ ఇప్పటివరకు ఆయన పాన్ ఇండియాలో ఒక సినిమా కూడా చేయలేదు. ఎన్టీఆర్ సినిమాతోనే పాన్ ఇండియా ప్రేక్షకులను సైతం తన వైపు తిప్పుకోవాలనే ప్రయత్నం చేస్తున్నట్టుగా తెలుస్తుంది.
తను అనుకున్నట్టుగానే ఈ సినిమా ఏ రేంజ్ సక్సెస్ ను సాధిస్తుంది ప్రేక్షకుల్లో విశేషమైన అంచనాలను రెకెత్తిస్తుందా? ఎన్టీఆర్ కెరియర్ లోనే బిగ్గెస్ట్ సక్సెస్ గా నిలుస్తుందా? లేదా అనేది తెలియాలంటే మాత్రం మరి కొద్ది రోజులు వెయిట్ చేయాల్సిందే…
