ED Attacks: టీవీ5 చూసిన వారందరికీ అందులో రోజూ రాత్రి 7 గంటలకు ప్రత్యక్షమయ్యే జర్నలిస్ట్, న్యూస్ యాంకర్ సాంబశివరావు అంటే తెలియని వారు ఉండరు. ఈయనే టీవీ5కు వైఎస్ చైర్మన్ కూడా.. ఫక్తు టీడీపీ అనుకూల వార్తలు, చర్చలు చేస్తుంటారు. పచ్చ చొక్కా వేసుకోలేదు కానీ ఇతగాడు చంద్రబాబు కంటే కూడా టీడీపీ అంటే ప్రాణం పెడుతాడు. తెలుగుదేశంపై ఈగ వాలనీయకుండా కాపుకాస్తాడు. వైసీపీని చీల్చిచెండాడుతాడు. ఇక అప్పుడప్పుడు బీజేపీని కూడా ఉతికి ఆరేస్తుంటాడు. రిపబ్లిక్ టీవీలో అర్నాబ్ గోస్వామికి ఉన్న షార్ట్ టెంపర్ కంటే సాంబశివరావుకు ఎక్కువగా ఉంటుందని జర్నలిస్ట్ సర్కిల్స్ లో ఓ టాక్ నడుస్తుంటుంది.
తెలుగుదేశం మనిషి పచ్చ వార్తలు పులిమేసి వైసీపీ, బీజేపీని టార్గెట్ చేసే ఈ పెద్దమనిషికి కేంద్రం షాకిచ్చింది. దరాబాద్ లో ని టీవీ5 న్యూస్ ఛానెల్ వైస్ చైర్మన్ అయిన సాంబ శివరావు ఇంట్లో ఈడీ సోదాలు నిర్వహించినట్టు ఓ వార్త హల్ చల్ చేస్తోంది.
తెలంగాణలో సాంబశివరావు కు మూడు చోట్ల బార్ & రెస్టారెంట్ లు ఉన్నాయట.. ఆ బార్ లకు ఢిల్లీ లిక్కర్ తో సంబంధాలు ఉన్నట్లు ప్రాథమిక దర్యాప్తులో తేలినట్టు ప్రచారం సాగుతోంది. ఇందులో కోట్ల రూపాయలు చేతులు మారినట్లు దర్యాప్తు లో తేలినట్లు సమాచారం.
మరి ఇది నిజమా? లేక ప్రత్యర్థులు సృష్టించిందో తెలియదు కానీ సోషల్ మీడియాలో మాత్రం వైరల్ అవుతోంది. ఇదే కనుక నిజమైతే మాత్రం ఇన్నాళ్లు పట్టపగ్గాల్లేకుండా చర్చల్లో రెచ్చిపోయిన సాంబశివరావు నోటికి ఇప్పటికైనా తాళం పడుతుందని అందరూ ఆశిస్తున్నారు. మహారాష్ట్రలో అర్నాబ్ గోస్వామిని శివసేన సర్కార్ అరెస్ట్ చేసి జైలుకు పంపాక ఆయన డోస్ కాస్త తగ్గింది. అలాగే ఈడీ కేసుల్లో సాంబశివరావును ఒక్కసారి లోపలేస్తే ఈయనలోని అపరిచితుడు కూడా చచ్చిపోతాడని కొందరు సెటైర్లు వేస్తున్నారు.