Pushpa 2 Pre Release Event
Allu Arjun: పుష్ప 2 విడుదలకు వారం రోజుల సమయం కూడా లేదు. ఈ మూవీ విజయాన్ని అల్లు అర్జున్ సీరియస్ గా తీసుకున్నారు. విశ్రాంతి లేకుండా ప్రమోషన్స్ లో పాల్గొంటున్నారు. పాట్నా, చెన్నై, కొచ్చిన్ నగరాలలో పుష్ప 2 ప్రీ రిలీజ్ ఈవెంట్లు జరిగాయి. పాట్నాలో ట్రైలర్ లాంచ్ చేశారు బాలీవుడ్ లో ఇది నయా ట్రెండ్. హిందీ స్టార్స్ బహిరంగంగా ప్రీ రిలీజ్ ఈవెంట్లు నిర్వహించరు. పుష్ప 2 మూవీ కోసం నార్త్ ఇండియాలో సౌత్ తరహా ఈవెంట్ జరిగింది. పుష్ప 2 ప్రీ రిలీజ్ ఈవెంట్ కి రెండు లక్షలకు పైగా అభిమానులు హాజరయ్యారు అనేది సమాచారం.
ముంబైలో కూడా అల్లు అర్జున్ చక్కర్లు కొడుతున్నారు. చిత్రాన్ని ప్రమోట్ చేస్తున్నాడు. కాగా హైదరాబాద్ లో భారీ ప్రీ రిలీజ్ ఈవెంట్ జరపాలనే ప్లాన్ ఉంది. అయితే పర్మిషన్ విషయంలో సందిగ్ధత నెలకొంది. దేవర మూవీ ప్రీ రిలీజ్ ఈవెంట్ చివరి నిమిషంలో క్యాన్సిల్ అయిన సంగతి తెలిసిందే. అంతకు ముందు యానిమల్ ప్రీ రిలీజ్ ఈవెంట్ కూడా జరగలేదు. ఒకసారి అనుమతులు ఇచ్చి కూడా రద్దు చేసినట్లు సమాచారం.
ఈ క్రమంలో పుష్ప 2 నిర్మాతలు వేదిక మార్చాలనే నిర్ణయానికి వచ్చారు. కాగా వారి మనసు మరలా మారిందట. హైదరాబాద్ లోనే ప్రీ రిలీజ్ నిర్వహించేందుకు ఏర్పాట్లు చేస్తున్నారట. యూసుఫ్ గూడ పోలీస్ గ్రౌండ్స్ నిర్వహించాలని మొదట అనుకున్నారట. మల్లారెడ్డి కాలేజ్ గ్రౌండ్స్ ఫైనల్ చేశారని టాక్. ఇక రానున్న రెండు మూడు రోజుల్లో పుష్ప 2 ప్రీ రిలీజ్ వేడుక జరగనుందట. అల్లు అర్జున్ ఫ్యాన్స్ కి ఈ న్యూస్ కిక్ ఇస్తుంది అనడంలో సందేహం లేదు.
దాదాపు రూ. 400 కోట్ల బడ్జెట్ తో పుష్ప 2 నిర్మించారు. పోస్ట్ ప్రొడక్షన్ కూడా అయిపోయినట్లు సమాచారం. సినిమా సెన్సార్ పూర్తి చేసుకుంది. యూ/ఏ జారీ చేశారు. సెన్సార్ సభ్యులు మూవీకి పాజిటివ్ టాక్ ఇచ్చారట. అలాగే అన్నపూర్ణ స్టూడియోలో ఫస్ట్ కాపీ.. ప్రదర్శించారట. సుకుమార్, అల్లు అర్జున్, అల్లు అరవింద్ చూశారట. సినిమా అద్భుతంగా ఉందని అభిప్రాయపడ్డారట.
డిసెంబర్ 5న వరల్డ్ వైడ్ మూవీ విడుదల చేస్తున్నారు. రష్మిక మందాన హీరోయిన్ గా నటిస్తుంది. ఫహద్ ఫాజిల్ ప్రధాన విలన్. జగపతిబాబు, రావు రమేష్, సునీల్, అనసూయ కీలక రోల్స్ చేస్తున్నారు. దేవిశ్రీ ప్రసాద్ సంగీతం అందిస్తున్నారు.
