Samantha Father passes away
Samantha : ప్రముఖ స్టార్ హీరోయిన్ సమంత తండ్రి జోసెఫ్ ప్రభు కన్ను మూసారు. ఈ విషయాన్ని సమంత తన ఇంస్టాగ్రామ్ అకౌంట్ లో ఎమోషనల్ గా బాధపడుతూ కాసేపటి క్రితమే తెలిపింది. ‘ఇక నాన్నను కలవలేను’ అంటూ ఎమోషనల్ గా ఆమె పెట్టిన పోస్టుకి అభిమానులు సంతాపం వ్యక్తం చేస్తున్నారు. సమంత తండ్రికి 75 ఏళ్ళ వయస్సు ఉంటుంది. ఆరోగ్యం పట్ల చాలా శ్రద్దగా ఉండే ఆయనకీ ఇలా జరగడం శోచనీయం. ఎలా చనిపోయాడు అనే విషయం పై ఇంకా మీడియా కి సమాచారం రాలేదు. సమంత కి మయోసిటిస్ వ్యాధి సోకిన సమయం లో జోసెఫ్ ప్రభు ఎంతో సపోర్టు గా నిలిచాడు. అత్యంత పరాంతక వ్యాధిగా పిలవబడే ఈ మయోసిటిస్ నుండి సమంత కోలుకుంది అంటే అందుకు జోసెఫ్ ప్రభు ఇచ్చిన ప్రోత్సాహం మామూలుది కాదు. అందుకే ఆమె తన తండ్రి లేని లోటు ని జీర్ణించుకోలేకపోతోంది.
ఇప్పుడిప్పుడే సమంత తనకి ఎదురైన సమస్యలను అధిగమించి కెరీర్ పట్ల ఫుల్ ఫోకస్ పెట్టే ప్రయత్నం చేస్తుంది. ఇలాంటి సమయంలో ఆమెకి ఈ సంఘటన ఎదురు అవ్వడం బాధాకరం . ఈ ఘటన నుండి ఆమె పూర్తిగా కోలుకోవాలని, ఆ దేవుడు ఆమెకి, ఆమె కుటుంబానికి ధైర్యం ఇవ్వాలని కోరుకుందాం. సమంత ఇటీవలే సినిమా షూటింగ్స్ తో బిజీ అయ్యింది. మయోసిటిస్ వ్యాధికి చికిత్స తీసుకున్న తర్వాత ఆమె ఏడాది పాటు పూర్తిగా విశ్రాంతి తీసుకుంది. ఇప్పుడు మళ్ళీ ఆమె బ్యాక్ టు ఫామ్ లోకి వచ్చిన తర్వాత ఈ ఘటన చోటు చేసుకుంది. జోసెఫ్ ప్రభు ఇటీవలే సమంత తమ్ముడి పెళ్ళిలో లో కూడా ఉత్సాహంగా పాల్గొన్న ఫోటోలను మనం చూసాము. సోషల్ మీడియా లో సమంత ఈ ఫోటోలను షేర్ చేసింది. ఎంతోసంతోషంగా ఉంటున్న ఈ సమయంలో ఇలా జరగడాన్ని చూస్తుంటే మనిషి జీవితం లో ఎప్పుడు ఏది చోటు చేసుకుంటుందో చెప్పలేము, ఉన్న ప్రతీ నిమిషాన్ని ఆస్వాదించాలి అనే నీతిని గుర్తు చేస్తుంది.
ఇది ఇలా ఉండగా సమంత ప్రధాన పాత్రలో నటించిన ‘సిటాడెల్’ వెబ్ సిరీస్ ఇటీవలే అమెజాన్ ప్రైమ్ వీడియోలో స్ట్రీమింగ్ ని మొదలు పెట్టింది. ఈ సిరీస్ కి అభిమానుల నుండి, ఆడియన్స్ నుండి సెన్సేషనల్ రెస్పాన్స్ వచ్చింది. ఇది సమంత చేసిన రెండవ హిందీ వెబ్ సిరీస్. ఇంతకు ముందు ఆమె ‘ది ఫ్యామిలీ మ్యాన్ 2 ‘ వెబ్ సిరీస్ లో నటించింది. ఇందులో ఆమె పోషించిన విలన్ రోల్ కి నేషనల్ వైడ్ గా అద్భుతమైన రెస్పాన్స్ వచ్చింది. ఇప్పుడు ఆ వెబ్ సిరీస్ ని తెరకెక్కించిన రాజ్ & డీకే నే ఈ వెబ్ సిరీస్ ని నిర్మించారు. వీళ్ళ నిర్మాణం లో వస్తున్న తదుపరి వెబ్ సిరీస్ లో కూడా సమంత కీలక పాత్ర పోషిస్తుంది.
