Drishyam 3 6th Day Collections: ఏంటో ఈ ఏడాది బాక్స్ ఆఫీస్ వద్ద చాలా విచిత్రమైన ఫలితాలు దక్కుతున్నాయి. మంచి పాజిటివ్ టాక్ ని సొంతం చేసుకున్న సినిమాలకంటే ఎక్కువగా, డివైడ్ టాక్ ని తెచ్చుకున్న సినిమాలే ఈమధ్య కాలం లో ఎక్కువగా ఆడుతున్నాయి. ఆ కోవకు చెందిన చిత్రమే ‘దృశ్యం 3’. మోహన్ లాల్ హీరో గా నటించిన ఈ చిత్రం రీసెంట్ గానే భారీ అంచనాల నడుమ ప్రేక్షకుల ముందుకు వచ్చింది. మొదటి ఆట నుండే డివైడ్ టాక్ తెచ్చుకున్న ఈ చిత్రం బాక్స్ ఆఫీస్ వద్ద నిలబడడం చాలా కష్టం అని విశ్లేషకులు సైతం మొదటి రోజున అనుకున్నారు. కానీ అందరి అంచనాలను తారుమారు చేస్తూ , ఈ చిత్రం మొదటి వీకెండ్ లోనే డబుల్ బ్లాక్ బస్టర్ హిట్ గా నిల్చింది. బ్రేక్ ఈవెన్ టార్గెట్ కూడా చాలా తక్కువ ఉండడం వల్లే ఇది సాధ్యమైందని అంటున్నారు ట్రేడ్ విశ్లేషకులు.
ఆరు రోజుల థియేట్రికల్ రన్ ని పూర్తి చేసుకున్న ఈ చిత్రం ప్రాంతాల వారీగా ఎంత గ్రాస్ వసూళ్లను రాబట్టింది అనేదానిపై ఒక లుక్ వేద్దాం. ఈ చిత్రం ఒక్క కేరళ రాష్ట్రం నుండే 51 కోట్ల రూపాయిల గ్రాస్ వసూళ్లు వచ్చాయి. అదే విధంగా తెలుగు రాష్ట్రాల నుండి ఈ చిత్రానికి 6 కోట్ల 70 లక్షల రూపాయిల గ్రాస్ వసూళ్లు వచ్చాయి. తెలుగు వెర్షన్ ఈ వీకెండ్ తో బ్రేక్ ఈవెన్ మార్కుని అందుకునే అవకాశాలు ఉన్నాయి. అదే విధంగా తమిళనాడు రాష్ట్రం నుండి చిత్రానికి 6 కోట్ల 40 లక్షలు, కర్ణాటక రాష్ట్రము నుండి 10 కోట్ల 30 లక్షలు, రెస్ట్ ఆఫ్ ఇండియా నుండి 5 కోట్ల రూపాయిల గ్రాస్ వసూళ్లు వచ్చాయి. ఇక ఓవర్సీస్ లో అయితే కలెక్షన్స్ సునామీ అనే చెప్పాలి.
12 రోజుల్లో ఈ చిత్రానికి అక్కడ ఏకంగా 90 కోట్ల రూపాయిల గ్రాస్ వసూళ్లు వచ్చాయి. ఈ వీకెండ్ తో ఆ ప్రాంతం లో 100 కోట్ల గ్రాస్ మార్కుని కూడా అందుకునే అవకాశాలు ఉన్నాయి. ఓవరాల్ గా ఈ చిత్రానికి ప్రపంచవ్యాప్తంగా 169 కోట్ల రూపాయిల గ్రాస్ వసూళ్ళు , 75 కోట్ల రూపాయిల షేర్ వసూళ్లు వచ్చాయి. 5 వ రోజున ఈ చిత్రానికి 13 కోట్ల రూపాయిల గ్రాస్ వసూళ్లు రాగా , 6 వ రోజున దాదాపుగా 16 కోట్ల రూపాయిల గ్రాస్ వసూళ్లు వచ్చాయి. దీన్ని బట్టీ చూస్తుంటే ఈ చిత్రానికి కచ్చితంగా లాంగ్ రన్ ఉంటుందని , ఫుల్ రన్ లో 300 కోట్ల గ్రాస్ ని కొల్లగొట్టే అవకాశం ఉందని అంటున్నారు.
