Rajinikanth reaction to Vijay CM: తమిళ హీరో విజయ్ సీఎం అవ్వడం పై సూపర్ స్టార్ రజినీకాంత్ అసంతృప్తి తో ఉన్నాడా ?, అసలు ఆయనకు విజయ్ అంటే ఎందుకు ఇష్టం లేదు?, విజయ్ తండ్రి దర్శకత్వం వహించిన చిత్రం తోనే రజినీకాంత్ వెండితెర అరంగేట్రం చేశాడు , అతని తండ్రితో రజనీకాంత్ కి మంచి సాన్నిహిత్యం ఉంది, అయినప్పటికీ ఎందుకు విజయ్ అంటే రజినీకాంత్ కి ఇష్టం లేదు అంటూ సోషల్ మీడియా లో నెటిజెన్స్ మాట్లాడుకుంటున్నారు. ఎందుకంటే మొదటి నుండి రజినీకాంత్ విజయ్ గురించి ఏదైనా ప్రశ్న ఎదురైనప్పుడు సమాధానం దాటవేస్తూ వచ్చేవాడు. అంతే కాకుండా, ఎన్నికల ఫలితాలు వచ్చిన తర్వాత , హంగ్ పరిస్థితి ఏర్పడినప్పుడు కూడా రజినీకాంత్ స్టాలిన్ వద్దకు వెళ్లి, అన్నా డీఎంకే తో కలిసి ప్రభుత్వాన్ని ఏర్పాటు చెయ్యమని సూచించినట్టు తమిళ వర్గాల్లో జోరుగా వినిపించిన వార్త.
ఇక ఎన్నికల్లో గెలిచినా రోజున విజయ్ కి శుభాకాంక్షలు తెలిపాడు కానీ, ప్రమాణస్వీకారం చేసిన తర్వాత మాత్రం ఎలాంటి శుభాకాంక్షలు తెలపలేదు. అందుకే రజనీకాంత్, విజయ్ కి మధ్య దూరం భారీగా పెరిగిపోయిందని , ఇద్దరి మధ్య పచ్చ గడ్డి వేస్తే భగ్గుమనే రేంజ్ వివాదాలు ఉన్నాయని సోషల్ మీడియా లో నెటిజెన్స్ కామెంట్స్ చేస్తున్నారు. ఈ వాదనలకు మరింత బలం చేకూరుస్తూ నేడు మరో వీడియో సోషల్ మీడియా లో బాగా వైరల్ అయ్యింది. చెన్నై విమానాశ్రయం లో రజినీకాంత్ నడుచుకుంటూ వెళ్తున్న సమయంలో మీడియా రిపోర్టర్స్ ఆయన వద్దకు వెళ్లి ‘విజయ్ ముఖ్యమంత్రిగా బాధ్యతలు చేపట్టాడు , దీనిపై మీ స్పందన ఏంటి?’ అని ప్రశ్నించగా, రజినీకాంత్ నవ్వుతూ సమాధానాన్ని దాటవేశారు. ఈ వీడియో ఇప్పుడు సోషల్ మీడియా లో హాట్ టాపిక్ గా మారింది. దీని అర్థం ఏంటి?, విజయ్ సీఎం అవ్వడం రజినీకాంత్ కి ఇష్టం లేదు అనే కదా అని కొందరి వాదన.
కానీ సమయం సందర్భం లేకుండా, ఎక్కడ పడితే అక్కడ మీడియా వాళ్ళు ఇలాంటి ప్రశ్నలు అడగడం బాధాకరం అనేది మరికొందరు చెప్తున్న మాట. ఏది ఏమైనా వీళ్లిద్దరి మధ్య ఎందుకో ఎక్కడో తెలియని గ్యాప్ ఏర్పడిందని అందరూ అంటున్నాడు. ఇదంతా పక్కన పెడితే విజయ్ సీఎం గా బాధ్యతలు చేపట్టిన తర్వాత తన రాజకీయ ప్రత్యర్థులందరినీ ఇంటికి వెళ్లి మరీ కలిశాడు . ఆయన సాధ్యమైనంత వరకు పాజిటివ్ వాతావరణం లోనే రాజకీయాలను నడపాలని చూస్తున్నాడు. ఈ నేపథ్యం లో తన తోటి సినీ నటులను కూడా కలిసే ప్రయత్నం చేస్తాడా లేదా అనేది చూడాలి. ఒకవేళ కలిస్తే రజినీకాంత్ ని కలుస్తాడా లేదా అనేది కూడా ఆసక్తికరమైన అంశం.
Vijay సీఎం కావడంపై ప్రశ్నించగా…
ఏం మాట్లాడకుండా నవ్వుతూ వెళ్లిపోయిన రజనీకాంత్#Rajinikant #Vijay pic.twitter.com/YolHNR9zqZ
— M9 NEWS (@M9News_) May 12, 2026
