Shah Rukh Khan: బాలీవుడ్ ఇండస్ట్రీలో తనకంటూ ఒక ప్రత్యేకమైన స్థానాన్ని ఏర్పాటు చేసుకున్న హీరో షారుఖ్ ఖాన్… ఇక బాలీవుడ్ బాద్షా గా కూడా తన పేరును సువర్ణాక్షరాలతో లిఖించుకున్నాడు. ఇక ఈయన చేసిన పఠాన్, జవాన్ లాంటి సినిమాలు గతేడాది 1000 కోట్లకు పైన వసూళ్లను రాబట్టడం నిజంగా చాలా మంచి విషయమనే చెప్పాలి. అయితే ఈ సినిమాలకు ముందు షారుఖ్ ఖాన్ చాలా ఫ్లాప్ సినిమాలని ఎదుర్కొన్నప్పటికీ ఈ రెండు సినిమాలు ఆయన కెరియర్ లో చాలా స్పెషల్ అనే చెప్పాలి. ఇక ప్రస్తుతం సౌత్ సినిమాల హవా బాలీవుడ్ లో ఎక్కువగా నడుస్తున్నప్పటికీ, ఈయన రెండు సినిమాలతో భారీ బ్లాక్ బస్టర్ హిట్స్ ని కొట్టడం నిజంగా ఒక వంతుకు గ్రేట్ అనే చెప్పాలి.
ఇక ఇదిలా ఉంటే షారుఖ్ ఖాన్ ఇండియన్ క్రికెట్ టీమ్ లో ఒక ప్లేయర్ ను అల్లుడు అని పిలుస్తాడనే విషయం మనలో చాలామందికి తెలియదు. ఇక రీసెంట్ గా ‘స్టార్ స్పోర్ట్స్ ‘ ఛానల్ కి ఇంటర్వ్యూ ఇచ్చిన షారుఖ్ ఖాన్ ఇండియన్ క్రికెట్ టీమ్ లో ఉన్న విరాట్ కోహ్లీని తను అల్లుడు అని పిలుస్తానని చెప్పాడు. నిజానికి వీళ్ళ మధ్య ఎలాంటి బంధుత్వం లేనప్పటికీ కేవలం వీళ్ళ మధ్య ఉన్న స్నేహపూర్వకమైన బంధం ద్వారానే తను అలా పిలుస్తాడనే క్లారిటీ కూడా ఇచ్చాడు. అయితే షారుఖ్ ఖాన్ హీరోగా వచ్చిన “రబ్ నే బనాదీ జోడీ” సినిమాతోనే విరాట్ కోహ్లీ భార్య అయిన అనుష్క శర్మ బాలీవుడ్ ఇండస్ట్రీకి ఎంట్రీ ఇచ్చింది.
తర్వాత వీళ్ళ కాంబినేషన్ లో మరికొన్ని సినిమాలు కూడా తెరకెక్కాయి. ఇక అనుష్క, కోహ్లీ ఇద్దరు లవ్ చేసుకుంటున్నా క్రమంలో అనుష్క ను కలవడానికి కోహ్లీ సెట్స్ కి వచ్చేవాడని, నేను అక్కడ కోహ్లీ తో చాలాసేపు గడిపే వాడినని తన గురించి ఆయనకు బాగా తెలుసని చెప్పాడు. అలాగే కోహ్లీ అనుష్క ఇద్దరు డేటింగ్ చేసుకుంటున్న సమయంలోనే అనుష్క విరాట్ గురించి నాకు పూర్తిగా తెలుసని చెప్పాడు. అందుకే విరాట్ కోహ్లీ ని “బాలీవుడ్ అల్లుడు” అని పిలుచుకుంటామని తను చెప్పడం విశేషం…
ఇక మొత్తానికైతే షారుక్ ఖాన్, విరాట్ కోహ్లీ మధ్య మంచి స్నేహ పూర్వకమైన బంధం అయితే ఉంది. ఇక ఈ బంధంతోనే గత ఎడాది ఐపీఎల్ సీజన్ లో షారుక్ ఖాన్ నటించిన పఠాన్ సినిమాలోని ఒక సాంగ్ కి ఇద్దరు కలిసి స్టెప్పులు వేయడం విశేషం…
