Tollywood Heroes: తెలుగు ఇండస్ట్రీలో ఇప్పుడు స్టార్ లలా నిలుస్తున్న ప్రతి ఒక్క నటీనటులు ఒకప్పుడు ట్రైనింగ్ అయినవాళ్లే.. ఏ రంగంలో అయినా ట్రైన్ అవుతూనే ఉంటారు. విలువిద్యలు నేర్చుకోవాలంటే ఆశ్రమాలకు వెళ్లేవారు శిశ్యులు. కానీ ఇప్పుడు ట్రైయినింగ్ ఇన్ స్టిట్యూట్ లు వచ్చాయి. బిజినెస్ కోర్సులు, ఆన్ లైన్ తరగతులు, ఉద్యోగం కోసం ఇన్ స్టిట్యూట్ లు, నటన కోసం యాక్టింగ్ స్టూడియోలు కూడా కోకొల్లాలుగా ఉన్నాయి. అది ఇప్పటి మాట కాదు. ఎప్పటి నుంచో సాగుతున్న తతంగం. అయితే హీరో ప్రభాస్, పవన్ కళ్యాణ్ లు కూడా ట్రైన్ అయి ఇండస్ట్రీలో ఓ వెలుగు వెలుగుతున్నారు.
తెలుగు సినిమా ఇండస్ట్రీ లో పవన్ కళ్యాణ్, మహేష్ బాబు, ప్రభాస్ వీళ్ళు ముగ్గురు ఎంత పెద్ద హీరోలో మనందరికి తెలిసిందే. తెలుగు లో ఉన్న అతి కొద్దీ మంది పెద్ద హీరోల్లో వీళ్ళు ముగ్గురికి ప్రత్యేక స్థానం ఉందనే చెప్పాలి…అయితే ఈ ముగ్గురికి యాక్టింగ్ లో మెళుకువలు నేర్పిన వ్యక్తి ఒక్కరే అని చాలా మంది కి తెలీదు ఆయనెవరో ఒకసారి తెలుసుకుందాం.
అయితే మొదటగా చిరంజీవి పవన్ కళ్యాణ్ ని సినిమాల్లోకి తీసుకురావాలి అని ఎంత ట్రై చేసిన పవన్ కళ్యాణ్ కి మాత్రం సినిమాలోకి రావడం అసలు నచ్చేది కాదట. ఆయన ఒక్కడే ఎవరితో సంబంధం లేకుండా ఒంటరి గా కూర్చొని బుక్స్ చదువుతూ ఉండేవాడట. ఒకానొక సందర్భంలో సన్యాసం తీసుకుందాం అని హిమాలయాలకు పోవాలి అని డిసైడ్ అయ్యాడట పవన్. ఒకసారి హిమాలయాలకు పోయే ప్రయత్నం కూడా చేసాడట ఈ స్టార్ హీరో. కానీ వాళ్ళ వదిన సురేఖ గారి మాట మీద గౌరవం తో ఆగిపోయాడని టాక్ వచ్చింది. అయితే ఇక చిరంజీవి పవన్ కళ్యాణ్ ని ఇలా వదిలి పెడితే కుదరదు అని తెలిసి పవన్ కళ్యాణ్ కి ఇష్టం లేకపోయినా సినిమాలోకి తీసుకువచ్చాడట.
అయితే అందులో భాగంగానే పవన్ కళ్యాణ్ కి యాక్టింగ్ లో మెళుకువలు నేర్పడానికి వైజాగ్ సత్యానంద్ దగ్గరికి పంపించాడట. అలా ఆయన దగ్గర యాక్టింగ్ నేర్చుకున్న పవన్ కళ్యాణ్ తక్కువ కాలంలోనే మంచి నటుడిగా మంచి పేరు తెచ్చుకొని స్టార్ హీరో అయ్యాడు. అలాగే పవన్ కళ్యాణ్ ని చూసిన కృష్ణ గారు మహేష్ బాబు ని కూడా సత్యానంద్ దగ్గరికి పంపించి యాక్టింగ్ నేర్పించాడు. ఇక వీళ్లిద్దరు సక్సెస్ అవ్వడం తో ప్రభాస్ కూడా ఆయన దగ్గరే యాక్టింగ్ స్కిల్స్ నేర్చుకున్నాడని తెలుస్తోంది.
ఇలా వైజాగ్ సత్యానంద్ దగ్గర యాక్టింగ్ నేర్చుకున్న ముగ్గురు హీరోలు కూడా టాప్ పొజిషన్ లో ఉండడం చేస్తుంటే.. ఆయన యాక్టింగ్ క్లాస్ లు ఏ రేంజ్ లో ఉంటాయో చెప్పవచ్చు. యాక్టింగ్ నేర్చుకొని వదిలేయడమే కాకుండా తను యాక్టింగ్ నేర్పడం వల్లే ఈ రోజు తాను టాప్ పొజిషన్ లో ఉన్నాను అనే ఒకే ఒక ఉదేశ్యం తో పవన్ కళ్యాణ్ సత్యానంద్ వాళ్ళ కూతురు పెళ్లికి 10 లక్షల ఆర్థిక సహాయం కూడా చేసాడు. ఇలా ఎంతో మంది స్టార్ హీరోలు కూడా ఆయన వద్ద ట్రైన్ అయ్యారు అనే చెప్పాలి.
