RC15: మెగాపవర్స్టార్ రామ్చరణ్ హీరోగా రాజమౌళి దర్శకత్వంలో తెరకెక్కుతోన్న సినిమా ఆర్ఆర్ఆర్. ఇందులో చెర్రితో పాటు ఎన్టీఆర్ కూడా నటిస్తున్నారు. ఇప్పటికే ఈ సినిమా నుంచి వచ్చిన పాటలు, ప్రోమోలు మంచి హైప్ క్రియేట్ చేస్తున్నాయి . ఇదిలా ఉండగా, మరోవైపు మెగాపవర్ స్టార్ రామ్చరణ్ హీరోగా.. దర్శకుడు శంకర్ ఓ భారీ పాన్ ఇండియా సినిమాకు తెరలేపారు. ఇటీవల ఈ సినిమాకు సంబంధించిన ఫస్ట్ షెడ్యూల్ కూడా మొదలైంది. ఇందులో కొన్ని కీలక సన్నివేశాలు చిత్రీకరించినట్లు తెలుస్తోంది. ఇప్పుడు రెండో షెడ్యూల్ కూడా ప్రారంభమైంది.
కాగా, తాజాగా ఈ సినిమా గురించి ఓ వార్త ఇండస్ట్రీలో గట్టిగా వినిపిస్తోంది. ఈ సినిమాలో ప్రస్తుతం చరణ్ పర్సనాలిటీకి తగ్గట్లు శంకర్ భారీ ఫైట్సీన్స్ను ప్లాన్ చేస్తున్నారని సమాచారం. ఈ క్రమంలోనే అందులోని ఫైటర్స్ వీరేనంటూ.. కొన్ని ఫొటోలు నెట్టింట వైరల్ అవుతున్నాయి. ఒకవేళ ఈ వార్తల్లో నిజముంటే మాత్రం.. వీరిద్దరి కాంబోలో యాక్షన్స్ విజువల్స్ వేరే లెవెల్లో ఉండనున్నట్లు తెలుస్తోంది.
ఇప్పటికే విడుదల చేసిన పోస్టర్తో ఈ సినిమాపై అంచనాలు నెక్ట్స్ లెవెల్లో ఉన్నాయి. ఈ చిత్రంలో కియారా హీరోయిన్ గా నటిస్తోంది. థమన్ సంగీతం ఇస్తున్నారు. దిల్ రాజు నిర్మాతగా వ్యవహరిస్తున్నారు. మరోవైపు రోబోతో భారీ హిట్ కొట్టిన శంకర్. ఆతర్వాత వచ్చిన ఐ, రోబో2.0 సినిమాలు భారీ డిజాస్టర్ను మూటకట్టుకున్నాయి. దీంతో శంకర్- చెర్రి కాంబినేషన్లో వచ్చే సినిమా ఎలా ఉండబోతోందనే విషయంపై అనేక ఊహాగానాలు ఇండస్ట్రీలో వినిపిస్తున్నాయి.