Dhurandhar 2 worldwide collections: భారీ ఓపెనింగ్స్ తో ట్రేడ్ పండితులు సైతం నివ్వెరపోయే రేంజ్ గ్రాస్ వసూళ్లను రాబట్టిన ‘ధురంధర్ 2′(Dhurandhar 2 : The Revenge) జోరు , ఇప్పుడు రోజురోజుకూ బాగా తగ్గిపోతూ వస్తోంది. ఈ చిత్రానికి వచ్చిన ఓపెనింగ్స్ గ్రాస్ ని చూసి , కచ్చితంగా 2000 కోట్ల గ్రాస్ మార్కుని దాటి , ఇండియా లోనే ఆల్ టైం ఇండస్ట్రీ హిట్ గా నిలుస్తుందని అంతా అనుకున్నారు. కానీ జరిగే పరిస్థితులు తక్కువగా ఉన్నాయి. ‘బాహుబలి 2’ చిత్రానికి 1860 కోట్ల రూపాయిల గ్రాస్ వసూళ్లు వచ్చాయి. ఫుల్ రన్ లో ఈ చిత్రం కచ్చితంగా ఆ గ్రాస్ ని దాటే అవకాశాలు అయితే కనిపిస్తున్నాయి కానీ, దంగల్ సాధించిన 2000 కోట్ల గ్రాస్ ని దాటడం మాత్రం ప్రస్తుతానికి కష్టమే అని అంటున్నారు. ట్రేడ్ పండితుల లెక్కల ప్రకారం ఈ చిత్రం 2 వారాల్లో 1500 కోట్ల రూపాయిల గ్రాస్ వసూళ్లను రాబట్టింది.
14 వ రోజున ఇండియా వైడ్ గా ఈ చిత్రానికి అన్నీ భాషలకు కలిపి 21 కోట్ల రూపాయిల నెట్ వసూళ్లు రాగా, 24 కోట్ల 74 లక్షల రూపాయిల గ్రాస్ వసూళ్లు వచ్చాయి. బాషల వారీగా ఈ చిత్రానికి 14 వ రోజు వచ్చిన గ్రాస్ ని పరిశీలిసే హిందీ నుండి 18 కోట్ల 82 లక్షల రూపాయిల గ్రాస్ వసూళ్లు రాగా, తెలుగు నుండి 1 కోటి 44 లక్షలు, తమిళం నుండి 44 లక్షలు, కన్నడ నుండి 18 లక్షలు, మలయాళం నుండి 9 లక్షల రూపాయిలను రాబట్టింది. ఇది కేవలం ఇండియా నుండి వచ్చిన వసూళ్లు మాత్రమే. ఓవర్సీస్ నుండి ఈ చిత్రానికి 14 వ రోజున 5 కోట్ల 61 లక్షల రూపాయిల గ్రాస్ వసూళ్లు వచ్చాయి. ఓవరాల్ గా 14 వ రోజున ప్రపంచవ్యాప్తంగా ఈ చిత్రానికి 30 కోట్ల 35 లక్షల రూపాయిల గ్రాస్ వసూళ్లు వచ్చాయి.
Also Read: బాలయ్య డ్రీమ్ రోల్ అదే…దాన్ని నెరవేర్చుకోవడానికి ఈ పనిచేస్తున్నాడు…
ఓవరాల్ గా ఈ చిత్రానికి 14 వ రోజుతో కలిపి 1500 కోట్ల రూపాయిల గ్రాస్ వసూళ్లు వచ్చాయి. శుక్రవారం నుండి మరోసారి ఈ సినిమా వసూళ్లు ఊపందుకునే అవకాశాలు ఉన్నాయి. గుడ్ ఫ్రైడే , దానిని అనుసరిస్తూ వీకెండ్ ఉండడం చాలా పెద్ద ప్లస్ అనే చెప్పాలి. ఈ వీకెండ్ ముగిసేసరికి కచ్చితంగా ఈ చిత్రం 1800 కోట్ల రూపాయిల గ్రాస్ ని దాటేస్తుందని అంటున్నారు ట్రేడ్ విశ్లేషకులు. మరి ఆ రేంజ్ కి వెళ్తుందా లేదా ?, ఒకవేళ వెళ్లినా ఫుల్ రన్ లో బాహుబలి 2 ని దాటుతుండగా లేదా అనేది చూడాలి.
