Dhee : సరికొత్త డాన్సింగ్ టాలెంట్ను ప్రపంచానికి పరిచయం చేస్తోన్న వన్ అండ్ ఓన్లీ టాలెంటెడ్ షో ఏది అంటే ఠక్కున చాలా మందికి ఢీ షో గుర్తు వస్తుంది. ఈ షోకు వస్తున్న ఆదరణ గురించి చెప్పాల్సిన అవసరం కూడా లేదు. బుల్లితెరపై ఢీ షో ఎన్నో అద్భుతాలను క్రియేట్ చేసింది. ప్రతీ సీజన్కి ఓ కొత్త థీమ్, కొత్త యాంకర్లతో ప్రేక్షకుల ముందుకు వస్తుంటుంది. ఈ విధంగా ఢీ షోకి ఉన్న రూపు రేఖలు ఎప్పటికప్పుడు మార్చేస్తున్నారు. 2009లో ప్రారంభమైంది ఈ డాన్స్ షో. అయితే ప్రస్తుతం 18వ సీజన్తో ప్రేక్షకులను రంజింపు చేస్తోంది డీ షో. దక్షిణాదిలోనే టీవీ రంగంలో టాప్ షోగా పాపులారిటీని సంపాదించుకుంది కూడా. అంతేకాదు ఇద జాతీయ స్థాయిలో అందరి దృష్టిని ఆకర్షించింది.
డాన్స్ ను ఫుల్ గా ఇష్టపడే అభిమానులకు ఢీ షో ఎప్పటికప్పుడు కొత్త టాలెంట్ను పరిచయం చేస్తుంటుంది. ఇలా అందరి మనసుల్లో చెరగని స్థానాన్ని సంపాదించుకుంది. 15కి పైగా కొరియోగ్రాఫర్స్ను తెలుగు చిత్ర సీమకు అందించి తనదైన చెరగని ముద్ర వేసుకుంది ఈ ఢీ షో.
ఇదిలా ఉంటే ఇప్పటికే పలు సీజన్స్ విజయంతంగా పూర్తి చేసుకున్న ఈ ఢీ షో తాజా సీజన్ ఫైనల్స్ కి చేరుకుంది. అయితే ఈ షోకి గణేష్ మాస్టర్, నటి హన్సిక, శేఖర్ మాస్టర్ జడ్జీలుగా వ్యవహరిస్తున్న విషయం తెలిసిందే. తాజాగా రిలీజ్ చేసిన ఫైనల్ ఎపిసోడ్ ప్రోమో లో కంటెస్టెంట్స్ అందరూ తమ తమ పర్ఫామెన్స్ లతో ప్రేక్షకులను మెస్తరైజ్ కూడా చేవారు. వారి డ్యాన్స్ తో అదరగొట్టారు. ఢీ ఫైనల్స్ ట్రోఫీ ఎవరికి దక్కుతుంది అన్న ఆసక్తి ప్రతి ఒక్కరిలో నెలకొంది. అయితే ఈ సీజన్ ఫైనల్ ఎపిసోడ్ కి గెస్ట్ గా విన్నర్ కి ట్రోఫీ అందించడానికి టాలీవుడ్ మాస్ కా దాస్ విశ్వక్ సేన్ వచ్చేసాడు.
విశ్వక్ సేన్ నటించిన మెకానిక్ రాకీ సినిమా ప్రమోషన్స్ లో భాగంగా ఈ షో కి మెకానిక్ రాకీ పాత్రలోనే వచ్చాడు ఈ హీరో. రాగానే హన్సిక ను తన మాటలతో మాయ చేసేస్తాడు కూడా. ఇదిలా ఉంటే హైపర్ ఆది పంచ్ లకి రివర్స్ పంచ్ లు వేసి మరీ నవ్వులు పూయించాడు విశ్వక్ సేన్.
ఢీ గత సీజన్ల ఫైనల్ ఎపిసోడ్ కి గెస్ట్ లుగా చాలా మంది స్టార్ హీరోస్ వచ్చిన విషయం తెలిసిందే. ఐకాన్ స్టార్ అల్లు అర్జున్, ఎన్టీఆర్, నాని ఇలా చాలా మంది స్టార్ హీరోస్ వచ్చి ఈ షోను మరో స్టేజ్ కు తీసుకొని వెళ్లారు. ఈ సీజన్ కి విశ్వక్ వచ్చి ప్రేక్షకులను ఆకట్టుకున్నారు. మరి ఈ సీజన్ విన్నర్ ఎవరు అవుతారు..? ఎవరికి విశ్వక్ ట్రోఫీ అందిస్తాడో చూడాలి. ఇదిలా ఉంటే విశ్వక్ సేన్ నటించిన మెకానిక్ రాకీ సినిమా నవంబర్ 22 న విడుదలైంది. ఈ సినిమా మంచి సక్సెస్ ను అందుకుంది.
