Pawan Kalyan: వైఎస్ఆర్ కాంగ్రెస్ పార్టీ అధినేత జగన్మోహన్ రెడ్డి తాడేపల్లి కి వస్తున్నారు. విదేశీ పర్యటన ముగించుకుని బెంగళూరు చేరుకున్నారు. కొన్ని రకాల వివాహ వేడుకలకు మాత్రమే ఆయన హాజరవుతూ వచ్చారు. ఈరోజు తాడేపల్లి కి వస్తున్నారు. అయితే తమిళనాడు ముఖ్యమంత్రిగా పదవి స్వీకారం చేసి.. అసెంబ్లీలో బలపరీక్షలో నెగ్గిన విజయ్ కు శుభాకాంక్షలు తెలిపారు జగన్మోహన్ రెడ్డి. నేరుగా ఆయనకు ఫోన్ చేసి తమిళనాడు ప్రజల ఆకాంక్షలకు అనుగుణంగా పాలన సాగించాలని సూచించారు. అయితే అంతకుముందే ఏపీ సీఎం చంద్రబాబుతో పాటు డిప్యూటీ సీఎం సోషల్ మీడియా వేదికగా శుభాకాంక్షలు తెలిపారు. కానీ ఇప్పుడు నేరుగా జగన్మోహన్ రెడ్డి విజయ్ కు ఫోన్ చేయడం గమనార్హం. ఎందుకంటే తమిళనాడులో విజయ్ గెలుపును ఏపీలో జగన్మోహన్ రెడ్డితో పోల్చుకుంటున్నారు వైయస్సార్ కాంగ్రెస్ పార్టీ శ్రేణులు. అక్కడ విజయ్ గెలవడంతో ఏపీలో సంబరాలు చేసుకున్నారు. ఏపీలో డిప్యూటీ సీఎం పవన్ కళ్యాణ్ ను తక్కువ చేసి మాట్లాడారు.
* పవన్ హెచ్చరికలతో..
అయితే ఇప్పుడు వైయస్సార్ కాంగ్రెస్ పార్టీ పై ఒక ముద్ర పడుతోంది. దేశంలో ఏ రాజకీయ పరిణామం జరిగిన దానిని తనకు అనుకూలంగా మలుచుకోవడం.. ముఖ్యంగా సినిమా పరంగా ఏ క్రెడిట్ కూడా ఆ పార్టీ విడిచిపెట్టడం లేదు. దానికి కారణం పవన్ కళ్యాణ్. పాతాళానికి తొక్కేస్తానంటూ జగన్మోహన్ రెడ్డిని ఎన్నికలకు ముందు హెచ్చరించారు. అనుకున్న మాదిరిగానే 151 అసెంబ్లీ స్థానాల నుంచి.. 11 స్థానాలకు పరిమితం చేశారు. అయితే అప్పటినుంచి సినిమా స్టార్స్ అంటేనే పవన్ కళ్యాణ్ కు వ్యతిరేకంగా చూపించే ప్రయత్నం చేస్తోంది వైఎస్సార్ కాంగ్రెస్ పార్టీ. ఏ భాష నటుడైన.. ఏదైనా సాధిస్తే దానిని పవన్ కళ్యాణ్ తో జోడించి చూపించే ప్రయత్నం చేస్తోంది. చివరకు మెగా ఫ్యామిలీని కూడా విడిచిపెట్టలేదు.
* ఎన్నో రకాల ప్రయోగాలు..
వైయస్సార్ కాంగ్రెస్ పార్టీని అధికారంలో ఉండనివ్వనని పవన్ కళ్యాణ్ శపధం చేశారు. ఆ సమయంలో అయితే మెగాస్టార్ చిరంజీవిని మచ్చిక చేసుకునేందుకు వైయస్సార్ కాంగ్రెస్ పార్టీ చేయని ప్రయత్నం అంటూ లేదు. విందు ఆహ్వానం పేరుతో చిరంజీవి దంపతులను ప్రత్యేకంగా అమరావతికి పిలిపించుకున్న సందర్భాలు కూడా ఉన్నాయి. మెగా ఫ్యామిలీ నుంచి అల్లు అర్జున్ ను వేరుచేసి పవన్ కళ్యాణ్ పై ప్రయోగించాలని కూడా చూశారు. టాలీవుడ్ అగ్ర హీరోలతో పవన్ కు వైరం ఉందని కూడా ప్రచారం చేశారు. కానీ ఇవేవీ వర్కౌట్ కాలేదు. ఇప్పుడు సరిహద్దు దాటి ప్రవర్తిస్తున్నారు. అసలు ఏపీతో సంబంధంలేని తమిళనాడులో విజయ్ గెలుపును తమకు అనుకూలంగా మార్చుకుంటున్నారు. పక్క రాష్ట్రాల్లో ఎవరు అధికారంలోకి వచ్చినా.. ముఖ్యమంత్రిగా బాధ్యతలు స్వీకరించిన శుభాకాంక్షలు చెప్పడం అనేది సంప్రదాయంగా వస్తోంది. జగన్మోహన్ రెడ్డి విజయ్ కు ఫోన్ చేసి శుభాకాంక్షలు చెప్పడాన్ని కూడా గొప్ప విషయం గా చెబుతోంది వైఎస్ఆర్ కాంగ్రెస్ పార్టీ. సినిమా స్టార్స్ కనిపిస్తే చాలు వారు పవన్ కళ్యాణ్ కు వ్యతిరేకం అన్నట్టు మాట్లాడుతోంది. అయితే ఇదే విజయ్ తాను పవన్ కళ్యాణ్ కు పెద్ద ఫ్యాన్ అని గతంలో చెప్పుకొచ్చారు. దానిని కూడా పరిగణలోకి తీసుకోకుండా పవన్ కళ్యాణ్ కు విజయ్ వ్యతిరేకం అన్నట్టు వ్యవహరిస్తోంది వైఎస్సార్ కాంగ్రెస్ పార్టీ..
