RRR Movie: “ఆర్‌ఆర్‌ఆర్” చిత్రం ట్రైలర్ ఏ టైమ్ కి రిలీజ్ అవుతుందో తెలుసా…

RRR Movie: దేశవ్యాప్తంగా ఆర్ఆర్ఆర్ సినిమా కోసం ప్రేక్షకులంతా ఎంతో ఆత్రుతగా ఎదురుచూస్తున్నారు. మెగా, నందమూరి ఫ్యామిలిలకు చెందిన ఇద్దరూ స్టార్ హీరోలతో కలిసి దర్శకధీరుడు రాజమౌళి రూపొందిస్తున్న ఆర్ఆర్ఆర్ సినిమాపై భారీ అంచనాలు ఉన్నాయి. భారీ బడ్జెట్‏తో డీవీవీ ఎంటర్‏టైన్మెంట్స్ బ్యానర్ పై దానయ్య నిర్మించిన ఈ సినిమాలో చరణ్ సరసన బాలీవుడ్ బ్యూటీ అలియా భట్… తారక్ కి జోడీగా హాలీవుడ్ హీరోయిన్ ఒలివియా మోరీస్ నటిస్తున్నారు. ఈ సినిమా నుంచి వచ్చిన ప్రతి అప్డేట్ సోషల్ మీడియాలో తెగ వైరల్ అవుతుంది. ఇప్పటికే ఈ సినిమా నుంచి విడుదలైన పోస్టర్స్, సాంగ్స్, వీడియోస్ నెట్టింట్లో సంచలన రికార్డ్స్ క్రియేట్ చేస్తున్నాయి. కాగా ఈ సినిమా ట్రైలర్ ను రేపు ( డిసెంబర్ 9 న ) విడుదల చేయనున్నట్లు చిత్ర బృందం ప్రకటించింది.

అయితే ఇప్పుడు తాజాగా ఆర్ఆర్ఆర్ సినిమా నుంచి బిగ్ అప్ డేట్ వ‌చ్చింది. ఈ సినిమా ట్రైల‌ర్ కు ముహూర్తం ఫిక్స్ చేశారు. ఆర్ఆర్ఆర్ సినిమా ట్రైల‌ర్ ను రేపు ఉద‌యం 10 గంటల నుంచి సినిమా థీయేట‌ర్స్ ల‌లో విడుద‌ల చేస్తామ‌ని చిత్ర బృందం అధికారికంగా ట్విట్ట‌ర్ వేదికగా ప్ర‌కటించారు. అలాగే ఈ సినిమా ట్రైల‌ర్ ను యూట్యూబ్ లో రేపు సాయంత్రం 4 గంట‌లకు విడుద‌ల చేస్తున్నట్టు మూవీ యూనిట్ వెల్లడించింది. ఈ అప్డేట్ తో అభిమానులు ఫుల్ జోష్ లో ఉన్నారు. ఈ సినిమాలో యంగ్ టైగర్ ఎన్టీఆర్ కొమరం భీమ్ గా … మెగా పవర్ స్టార్ రామ్ చరణ్ అల్లూరి సీతారామరాజుగా కలిసి నటిస్తున్నారు. వచ్చే ఏడాది సంక్రాంతి కానుకగా జనవరి 7న ప్రపంచ వ్యాప్తంగా ఆర్‌ఆర్‌ఆర్ ను విడుదల చేయనున్నారు.