Bollywood Ban on Ranveer Singh: రీసెంట్ గానే ‘ధురంధర్’ సిరీస్ తో ఇండియన్ బాక్స్ ఆఫీస్ మొత్తాన్ని షేక్ చేసి తన అద్భుతమైన నటనతో ప్రేక్షకులను మైమరచిపోయేలా చేసిన రణవీర్ సింగ్ కెరీర్ ఇప్పుడు చిక్కుల్లో పడింది. ‘ధురంధర్’ సిరీస్ తర్వాత బాలీవుడ్ నెంబర్ 1 హీరో స్థానం లో కూర్చొని , ఇలాంటి సెన్సేషనల్ బ్లాక్ బస్టర్ హిట్స్ ని ఇంకా ఎన్నో చేస్తాడని ఆశించిన అభిమానులకు ఇప్పుడు నిరాశ మిగిలే అవకాశాలు ఉన్నాయి. ఎందుకంటే రణవీర్ సింగ్ పై బాలీవుడ్ బ్యాన్ విధించింది. అందుకు ముఖ్య కారణం ‘డాన్ 3’. ఈ సినిమా నుండి రణవీర్ సింగ్ తప్పుకోవడం వల్లే, అసలు సమస్య మొదలైంది. ‘ధురంధర్’ సిరీస్ కి ముందు రణవీర్ సింగ్ కొన్ని సినిమాలు ఒప్పుకున్నాడు. అందులో జాంబీ యాక్షన్ థ్రిల్లర్ ‘ప్రళయ్’ ఒకటి కాగా , ‘డాన్ 3’ మరొకటి.
అప్పట్లో బిగ్ బి అమితాబ్ బచ్చన్ హీరో గా నటించిన ‘డాన్’ చిత్రం ఒక ప్రభంజనం సృష్టించింది . ఆ తర్వాత మోడరన్ యుగం లో షారుఖ్ ఖాన్ ఈ చిత్రాన్ని అప్పటి తరం ఆడియన్స్ కి తగ్గట్టుగా రీమేక్ చేసి సెన్సేషన్ సృష్టించాడు. ఆ తర్వాత సీక్వెల్ గా ‘డాన్ 2’ చేసాడు , ఇది కూడా కమర్షియల్ గా పెద్ద హిట్ అయ్యింది. ఇప్పుడు ఈ సిరీస్ కి కొనసాగింపుగా డైరెక్టర్ ఫర్హాన్ అక్తర్ ‘డాన్ 3’ ప్రకటించింది. హీరో గా రణవీర్ సింగ్ నటించబోతున్నాడని చాలా గ్రాండ్ గా ప్రకటించారు. అయితే ఇప్పుడు అకస్మాత్తుగా రణవీర్ సింగ్ ఆ చిత్రం నుండి తప్పుకోవడం వల్ల, తమకు 40 కోట్ల రూపాయిల నష్టం వాటిల్లిందని డైరెక్టర్ ఫర్హాన్ అక్తర్ గతంలో వెల్లడించారు. వాళ్ళు తమకు న్యాయం చెయ్యాలంటూ నేరుగా ‘ఫెడరేషన్ ఆఫ్ వెస్ట్రన్ ఇండియా సినీ ఎంప్లాయిస్’ బోర్డు వద్ద రణవీర్ సింగ్ పై కంప్లైంట్ ఇచ్చారు.
ఈ కంప్లైంట్ ని చాలా సీరియస్ గా తీసుకున్న బోర్డు, నిర్మత్యాలకు నష్టం కలిగించినందుకు రణవీర్ సింగ్ పై మూడేళ్ళ నిషేధం విదిస్తున్నాను అంటూ సంచలన ప్రకటన చేశారు. దీనికి రణవీర్ సింగ్ నుండి ఎలాంటి రియాక్షన్ వస్తుందో చూడాలి. బౌండెడ్ స్క్రిప్ట్ మా హీరో వద్దకు డైరెక్టర్ ఇప్పటి వరకు తీసుకొని రాలేదు , ఈ చిత్రం కోసం మా హీరో చాలా సమయాన్ని కేటాయించాడు , కానీ డైరెక్టర్ వినియోగించుకోలేదు , ఇప్పటికీ స్క్రిప్ట్ రెడీ అవ్వకపోవడం వల్లే , ఈ చిత్రం నుండి రణవీర్ సింగ్ తప్పుకోలేదంటూ ఆయన పీఆర్ టీం అధికారిక ప్రకటన కొద్దిరోజుల క్రితం చేసింది. మరి ఇప్పుడు ఈ బ్యాన్ పై రణవీర్ సింగ్ ఎలాంటి రియాక్షన్ ఇస్తాడో చూడాలి.
