Bigg Boss 6 Telugu Revanth Sri Satya: బిగ్ బాస్ లో గత రెండు వారాలు గేమ్స్ రక్తికడుతున్నాయి. నాగార్జున అంతకుముందు వారాల్లో ఇచ్చిన కోటింగ్ లతో కంటెస్టెంట్ రెచ్చిపోయి ఆడుతున్నారు. ప్రాణాలు ఫణంగా పెట్టి మరీ పోరాడుతున్నారంటే అతిశయోక్తి కాదు. నిన్న శ్రీసత్య మాటలకు అలిగి గేమ్ ఆడనందుకు రోజంతా సింగర్ రేవంత్ బాధపడ్డాడు. తనను కట్టేశారు బిగ్ బాస్ అంటూ రోధించాడు. ఈ కారణం కారణంగానే ఫ్రెండ్ అయిన శ్రీసత్య-రేవంత్ మధ్య చిచ్చు రేగింది.
రేవంత్ అలగడాన్ని చూసిన శ్రీసత్య చాలా సార్లు అతడితో కలుపుకుపోయేందుకు ప్రయత్నించింది. కానీ శ్రీసత్య వల్లనే తన గేమ్ ఆగిపోయిందన్న కోపంతో ఆమెతో మాట్లాడకుండా రేవంత్ మౌనంగా ఉన్నాడు.
ఇక బిగ్ బాస్ హౌస్ లో ‘వరెస్ట్ పర్ ఫామర్’ ఎవరు అని బిగ్ బాస్ అడగ్గా.. శ్రీసత్య పెద్ద మిస్టేక్ చేసింది. అప్పటికే గేమ్ ఆడడం లేదని బాధపడుతున్న తన ఫ్రెండ్ రేవంత్ నే నామినేట్ చేయడంతో అతడిలో కోపం కట్టలు తెంచుకుంది. ఈనామినేషన్ వేళ రేవంత్ కోపంతో కౌంటర్లు వేశాడు. ఆ తర్వాత శ్రీసత్యకు ఇచ్చిపడేశాడు. నీ కారణంగానే నా గేమ్ చెడిపోతే నన్నే నామినేట్ చేస్తావా? పైగా బొమ్మలు ఎగిరేస్తూ ఎద్దేవా చేస్తావా? అంటూ తనదైన శైలిలో లెఫ్ట్ అండ్ రైట్ ఇచ్చాడు.
ఇక అంతకుముందు ఇనాయా వ్యవహారశైలిపై ఆదిరెడ్డి, రోహిత్ లు తప్పుపట్టారు. సంచాలకురాలిగా ఇనాయా తప్పుగా ప్రవర్తించిందని.. గేమ్ లలో కూడా సరిగ్గా ఆడలేదంటూ ఎండగట్టారు. దీనికి ఇనాయా కూడా గట్టి కౌంటర్లు వేయడంతో రక్తి కట్టింది. మొత్తంగా గేమ్ లోని వేడి ఈరోజు కంటిన్యూ అయినట్టే కనిపిస్తోంది.
