Bigg Boss 10 Telugu: ఈ సీజన్ బిగ్ బాస్ హౌస్ లోకి వైల్డ్ కార్డు కంటెస్టెంట్ గా ఎంట్రీ ఇచ్చిన వారిలో ఒకరు దక్షి. పలు సినిమాల్లో హీరోయిన్ గా నటించిన ఈమె , ఈ షో లోకి కంటెస్టెంట్ గా వచ్చి ఆడియన్స్ కి బాగా చేరువ అవ్వాలని అనుకుంది. రింగు రింగుల జుట్టుతో చూసేందుకు చాలా అందంగా అనిపిస్తోంది , గేమ్ పర్ఫెక్ట్ గా ఆడితే వేరే లెవెల్ కి వెళ్తుందని అంతా అనుకున్నారు. కానీ హౌస్ లోకి అడుగుపెట్టిన మొదటి రోజు నుండి నిన్నటి వరకు తనదైన మార్కు చూపించుకోలేకపోయింది. టాస్కులు సరిగా ఆడలేకపోయింది , అవసరమైన సమయం లో తన వాయిస్ ని కూడా రైజ్ చేయలేకపోయింది. ముఖ్యంగా టాప్ 1 కంటెస్టెంట్ గా కొనసాగుతున్న రోహిత్ ని నామినేట్ చేస్తూ ఈమె చెప్పిన కారణాలు ఏవైతే ఉన్నాయో , వాటిని చూసిన తర్వాత ఆడియన్స్ కి నవ్వాలో , కోప్పడాలో అర్థం కాలేదు.
చెత్త కారణాలు చెప్పి రోహిత్ ని నామినేట్ చేయడమే కాకుండా, చాలా యాటిట్యూడ్ చూపించింది. ఇలా అనేక కారణాల వల్ల ఈ వారం ఆమెని ఆడియన్స్ ఇంటికి పంపేశారు. ఈ వీకెండ్ డబుల్ ఎలిమినేషన్ ని ప్లాన్ చేసిన బిగ్ బాస్, ముందుగా శనివారం ఎపిసోడ్ లో దక్షి ని ఎలిమినేట్ చేసినట్టు సమాచారం. సెలబ్రిటీ క్యాటగిరీ లో బిగ్ బాస్ హౌస్ లోకి ఎంట్రీ ఇచ్చింది కాబట్టి , రెండు వారాలు హౌస్ లో ఉన్నందుకు గానూ ఆమెకు 3 లక్షల రూపాయిల పారితోషికం ఇచ్చారట. అయితే బిగ్ బాస్ టీం ఈమెని అనవసరంగా తీసుకొచ్చారని , ఈమెకు బదులుగా అపూర్వ ని ఎలిమినేట్ చేయకుండా ఉంచుంటే ఈరోజు ఆమె అద్భుతంగా గేమ్స్ ఆడి తన గ్రాఫ్ ని పెంచుకొని ఉండేదని అంటున్నారు నెటిజెన్స్.
ఇకపోతే ఆదివారం ఎపిసోడ్ లో షాలిని ని ఎలిమినేట్ చేశారట. ఈ వారం ప్రారంభంలోనే బిగ్ బాస్ ఒక భారీ ప్రకటన చేసాడు. ఒక కంటెస్టెంట్ ని ఆడియన్స్ ఓట్లతో ఎలిమినేట్ చేస్తామని , మరో కంటెస్టెంట్ ని సడన్ ఎలిమినేట్ చేస్తామని చెప్పుకొచ్చారు. సడన్ ఎలిమినేషన్ కచ్చితంగా హౌస్ మేట్స్ చేతుల్లోనే ఉంటుంది కాబట్టి , కచ్చితంగా షాలిని ని ఎలిమినేట్ చేస్తారని అందరూ ముందుగానే ఊహించారు. అందరి ఊహలకు తగ్గట్టుగన్ ఆమె ఎలిమినేట్ అయ్యింది. దీంతో రోహిత్ ఫ్యాన్స్ సంబరాలు చేసుకుంటున్నారు. ఇక రోహిత్ గేమ్ మీద ఫోకస్ పెడతాడని , అతనికి తిరుగు ఉండదని అంటున్నారు. మరి అది జరుగుతుందో లేదో తెలియాలంటే కొన్ని రోజులు ఆగాల్సిందే.
