స్వీటీ శెట్టి అలియాస్ అనుష్కప్రధాన పాత్రలో వచ్చిన హీరోయిన్ ఓరియెంటెడ్ మూవీ ‘భాగమతి’ తెలుగులో అద్భుత విజయం సాధించింది. ఊపిరి సలపని సప్సెన్స్ మరియు థ్రిల్లింగ్ ఎలిమెంట్స్ తో రూపొందిన ఈ చిత్రం ప్రేక్షకుల్నివిపరీతంగా భయపెట్టింది. సూపర్ హిట్ అయ్యింది. హారర్ థ్రిల్లర్ గా వచ్చిన ఈ సినిమా బాక్సాఫీస్ వద్ద సూపర్ హిట్ సినిమాగా నిలిచింది. పిల్ల జమిందార్ ఫేమ్ దర్శకుడు అశోక్ ఈ సినిమాని ఓ భిన్నమైన కథాంశంతో హారర్ థ్రిల్లర్ జోనర్లో తెరకెక్కించి మెప్పించాడు. కాగా ఈ సినిమా ఇపుడు బాలీవుడ్ లో రీమేక్ కాబోతుంది. హిందీలో “దుర్గావతి” పేరు తో తెరకెక్కుతున్న ఈ సినిమాలో , హీరోయిన్ గా టాయిలెట్ మూవీ ఫేమ్ భూమి పెడ్నేకర్ నటిస్తోంది. తెలుగులో అనుష్క పోషించిన “భాగమతి “పాత్రని ఏనాడైనా శైలిలో మెప్పించ బోతోంది.
బాలీవుడ్ కి చెందిన విక్రమ్ మల్హోత్రా నిర్మాతగా నిర్మించబడుతోన్న ఈ ‘దుర్గావతి’ చిత్రాన్ని తెలుగులో డైరెక్ట్ చేసిన అశోకే డైరెక్ట్ చేయబోతున్నాడు.ఇంకో విశేషం ఏమిటంటే బాలీవుడ్ స్టార్ హీరో అక్షయ్ కుమార్ ఈ సినిమాకి నిర్మాణ భాగస్వామిగా వ్యవహరిస్తున్నారు. దాంతో హిందీలో తెరకెక్కుతున్న ఈ సినిమా పై మంచి అంచనాలు ఉన్నాయి. మరి అనుష్క ‘భాగమతి’ ‘దుర్గావతి’గా హిందీ ప్రేక్షకులను అలరిస్తోందా లేదా అంటే మరికొద్ది రోజులు ఆగాలి . కరోనా విపత్తు తగ్గితే గాని సినీ పరిశ్రమ లో షూటింగ్ షెడ్యూల్ లాంటివి బయటికి రావు .
Good movies have its own reputation
