నట సింహం బాలయ్య బాబు – బోయపాటి శ్రీను సినిమా రిలీజ్ అప్‌డేట్ గురించి నందమూరి అభిమానులు ఆతృత‌గా ఎదురుచూస్తూ.. ఇప్పటికే సోషల్ మీడియాలో కామెంట్స్ పెడుతున్నారు. అయితే, వారి ఉత్సాహాన్ని రెట్టింపు చేస్తూ ద‌ర్శ‌క నిర్మాత‌లు ఈ సినిమాను మే 28న విడుద‌ల చేయ‌బోతున్న‌ట్లు తాజాగా అధికారికంగా ప్ర‌క‌టించారు. మొత్తానికి సమ్మర్ లో నందమూరి అభిమానులకు పండుగను ఫిక్స్ చేశారు. అన్నట్టు ఈ సినిమా తరువాత షెడ్యూల్ ను పలనాడులోని కోటప్ప కొండ ప్రాంతంలో షూటింగ్ చేయడానికి ప్లాన్ చేస్తున్నారు మేకర్స్.
అక్కడ ఒక సెట్ కూడా వేసారు. ఇక ఈ సెట్ లో ఇంటర్వెల్ లో వచ్చే ముఖ్యమైన యాక్షన్ సీక్వెన్స్ ను తీయడానికి బోయపాటి ప్లాన్ చేశాడు. ఇక నటసింహం బాలయ్య బాబు సినిమాలకు కథ పవర్ ఫుల్ గా ఉన్నా లేకపోయినా, సినిమా టైటిల్స్ మాత్రం పవర్ ఫుల్ గా ఉంటాయి. అందులో బోయపాటి, బాలయ్య సినిమా అంటే కచ్చితంగా అదిరిపోయే టైటిల్ ఉండాలి. అందుకే ఈ సినిమా టైటిల్ పై ఇప్పటికే అనేక రూమర్స్ వచ్చాయి. మెయిన్ గా ‘మోనార్క్’ అనే టైటిల్ తో బాగా వినిపించింది. ఓ దశలో మోనార్క్ టైటిల్ ను ఫైనల్ చేశారని కూడా బాగా వార్తలు వచ్చాయి.
ఇక ఆల్ మోస్ట్ ఇదే టైటిల్ ను ఫిక్స్ అనుకుంటున్నారు. త్వరలోనే మోనార్క్ టైటిల్ ను అధికారికంగా ప్రకటించనున్నారు. అయితే బాలయ్య మాత్రం తన సినిమాకి మోనార్క్ కంటే కూడా ‘టార్చ్ బెర్రర్’ టైటిల్ పర్ఫెక్ట్ గా సరిపోతుందని ఫీల్ అవుతున్నాడట. అందుకే తప్పనిసరిగా ఈ సినిమాకు టార్చ్ బెర్రర్ అనే టైటిల్ నే పెట్టాలని అంటున్నాడట. అన్నట్టు ఈ చిత్రంలో ప్రగ్య జైస్వాల్ మెయిన్ హీరోయిన్. ఇక ఈ సినిమాని మిర్యాల రవీందర్ రెడ్డి నిర్మించనుండగా తమన్ సంగీతం సమకూరుస్తున్నాడు.