Balakrishna: నందమూరి నటసింహం బాలయ్య బాబు చేసిన ప్రతి సినిమాలో ఏదో ఒక వైవిధ్యమైన కథాంశమైతే ఉంటుంది. ముఖ్యంగా బీ,సీ సెంటర్లోని మాస్ ప్రేక్షకులను విపరీతంగా అలరిస్తూ ఉంటాడు. కమర్షియల్ సినిమాలకు పెట్టింది పేరుగా మారిన బాలయ్య బాబు ప్రస్తుతం చేయబోతున్న సినిమాల విషయంలో చాలా కేర్ ఫుల్ గా వ్యవహరిస్తున్నాడు. ఇక ఇలాంటి క్రమంలోనే కొరటాల శివ దర్శకత్వంలో చేస్తున్న సినిమా విషయంలో ఆయన ఇంకాస్త జాగ్రత్తగా ఉంటున్నాడు. ఇక ఇలాంటి నేపథ్యంలో ఈ సినిమాలో ఇద్దరు స్టార్ హీరోలు నటించబోతున్నారనే వార్తలైతే వస్తున్నాయి. ప్రస్తుతం అందుతున్న సమాచారం ప్రకారం తమిళ్ సినిమా ఇండస్ట్రీలో స్టార్ హీరోగా గుర్తింపును సంపాదించుకున్న ‘శివ కార్తికేయన్’ ఈ సినిమాలో ఒక కీలకపాత్రలో నటిస్తున్నాడట. ఇక ఆయన పాత్ర ఏంటి అనే విషయాన్ని దర్శకుడు ఎక్కడ కూడా రివిల్ చేయడం లేదు.
ఇక తనతో పాటుగా కన్నడ సినిమా ఇండస్ట్రీలో ఉన్న విజయ్ ఆంటోని ని సైతం ఈ సినిమాలో భాగం చేయబోతున్నట్టుగా తెలుస్తుంది. వీళ్ళిద్దరి క్యారెక్టర్లు ఈ సినిమాలో చాలా కీలకంగా మారబోతున్నాయట. ఇక ఈ మూవీని పాన్ ఇండియాలో రిలీజ్ చేస్తున్నారు కాబట్టి ఇతర భాషల హీరోలను కూడా ఇందులో భాగం చేస్తే సినిమాకి భారీ బజ్ ఏర్పడుతుంది.
అలాగే ఆయా భాషల్లో కూడా ఆ సినిమా సూపర్ హిట్ అవ్వడానికి అవకాశాలు ఉంటాయనే ఉద్దేశ్యంతోనే కొరటాల శివ వాళ్ళిద్దరిని ఈ సినిమాలో భాగం చేసినట్టుగా తెలుస్తుంది. ఇక ఏది ఏమైనా కూడా కొరటాల శివ ఇంతకు ముందు చేసిన ‘దేవర’ సినిమా సక్సెస్ ని సాధించినా కూడా భారీ కలెక్షన్స్ ని కొల్లగొట్టలేకపోయింది. కాబట్టి తను ఈ సినిమాతో మరోసారి తన స్టామినాయేంటో ప్రూవ్ చేసుకోవాల్సిన అవసరమైతే ఉంది.
లేకపోతే మాత్రం ఆయన చాలా వరకు డీలా పడిపోయే ప్రమాదం కూడా ఉంది. టైర్ వన్ హీరోల నుంచి ఇప్పటికే అతనికి అవకాశాలైతే రావడం లేదు. కాబట్టి తనను తాను మరోసారి ప్రూవ్ చేసుకుంటే తప్ప అతను స్టార్ డైరెక్టర్ గా గుర్తింపు సంపాదించుకోలేడనే చెప్పాలి…
