Anil Ravipudi Multistarrer: కెరీర్ ప్రారంభం నుండి వరుస బ్లాక్ బస్టర్ హిట్స్ తో దూసుకుపోతున్న డైరెక్టర్స్ లిస్ట్ తీస్తే మనకి గుర్తుకు వచ్చే పేర్లు రెండే , ఒకటి రాజమౌళి కాగా, మరొకటి అనిల్ రావిపూడి. రాజమౌళి సినిమా అంటే ఆడియన్స్ లో ఎలాంటి బ్రాండ్ ఇమేజ్ అయితే ఉందో , అనిల్ రావిపూడి సినిమాకు కూడా అదే రేంజ్ బ్రాండ్ ఇమేజ్ ఉంది. ముఖ్యంగా ఫ్యామిలీ ఆడియన్స్ లో అనిల్ రావిపూడి రేంజ్ ని అందుకోవడం ఎవరికైనా కష్టమే. గత ఏడాది ‘సంక్రాంతికి వస్తున్నాం’ , ఈ ఏడాది ‘మన శంకర వరప్రసాద్ గారు’ చిత్రాలతో వరుసగా రెండు సార్లు రీజనల్ ఇండస్ట్రీ హిట్స్ ని అందుకొని తన సత్తా చాటాడు. ఇప్పుడు ఆయన లేటెస్ట్ గా విక్టరీ వెంకటేష్ , కళ్యాణ్ రామ్ కాంబినేషన్ లో ఒక మంచి మల్టీస్టార్రర్ ని ప్లాన్ చేసాడు.
ఈ సినిమాకు సంబంధించిన స్క్రిప్ట్ వర్క్ ని నిన్న గాక మొన్ననే మొదలు పెట్టినట్టు అనిపిస్తుంది , కానీ అప్పుడే స్క్రిప్ట్ వర్క్ కూడా పూర్తి అయ్యిందట. ఈ సందర్భంగా అనిల్ రావిపూడి తన స్వగ్రామం అయినటువంటి బాపట్ల జిల్లాలోని యద్దనపూడి మండలం , చిలుకూరివారిపాలెం లోని శ్రీ ఆంజనేయస్వామి సన్నిధిలో పండితుల నేతృత్వం లో నూతన మూవీ కి సంబంధించిన స్క్రిప్ట్ కి పూజలు చేయించారు. అందుకు సంబంధించిన ఫోటోలు ఇప్పుడు సోషల్ మీడియా లో బాగా వైరల్ అయ్యాయి. జులై లేదా, ఆగస్టు నెలలో ఈ సినిమా షూటింగ్ ని మొదలు పెట్టేందుకు సన్నాహాలు చేస్తున్నారు . ప్రస్తుతానికి నందమూరి కళ్యాణ్ రామ్ ఖాళీగానే ఉన్నాడు, విక్టరీ వెంకటేష్ మాత్రం ‘ఆదర్శ కుటుంబం’ మూవీ షూటింగ్ తో బిజీ గా ఉన్నాడు. ఆగస్టు నాటికి ఆ సినిమా పూర్తి అయ్యే అవకాశాలు కనిపించడం లేదు. కాబట్టి ఈ రెండు సినిమాల షూటింగ్స్ ని సమాంతరంగా చెయ్యాలని చూస్తున్నాడు వెంకటేష్. ఎట్టి పరిస్థితిలోనూ ఈ చిత్రాన్ని సంక్రాంతికి దింపే ప్లాన్ లో ఉన్నారట మేకర్స్.
