Anchor Suma Son: హీరోగా ఎంట్రీకి సిద్ధం అవుతున్న యాంకర్ సుమ కొడుకు రోషన్ కనకాల వివాదంలో ఇరుక్కున్నాడు. అతడు పోలీస్ రైడ్స్ లో పట్టుబట్టాడాడు. విషయంలోకి వెళితే తెలంగాణ రాష్ట్రంలో అసెంబ్లీ ఎన్నికలు జరుగుతున్నాయి. నేతలు భారీగా మద్యం, డబ్బులు తరలిస్తున్నారు. ఓటర్లను మభ్యపెట్టేందుకు డబ్బులు ఆశ చూపుతున్నారు. ఇప్పటికే వందల కోట్లు పట్టుబడ్డాయి. పోలీసులు సీజ్ చేశారు. విరివిగా సోదాలు నిర్వహిస్తున్నారు. ఒక్క వాహనాన్ని వదలకుండా శోధిస్తున్నారు.
తాజాగా యాంకర్ సుమ కుమారుడు రోషన్ కనకాల స్నేహితులతో పాటు కారులో వెళుతుండగా పోలీసులు అడ్డగించారు. రైడింగ్ లో భాగంగా కారును చెక్ చేయాలి అన్నారు. అందుకు రోషన్ ఒప్పుకోలేదు. ఇన్ఫ్లుయెన్స్ ఉపయోగించే ప్రయత్నం చేశారు. అయినా పోలీసులు వినలేదు. కారు డిక్కీ ఓపెన్ చేయమన్నారు. కారు డిక్కీలో సూట్ కేసులు కనిపించాయి. దాంతో పోలీసులకు లంచం ఇచ్చే ప్రయత్నం చేశారు.
పోలీసులు మాత్రం వినకుండా సూట్ కేసులు ఓపెన్ చేయించారు. వాటిలో ఉన్న సరుకు చూసి షాక్ అయ్యారు. సూట్ కేసుల్లో బబుల్ గమ్స్, జిలేబీలు ఉన్నాయి. అప్పటికి కానీ అర్థం కాలేదు. ఇది ఉత్తుత్తి రైడింగ్ అని. రోషన్ తన లేటెస్ట్ మూవీ ప్రమోషన్ లో భాగంగా ఈ ఫేక్ రైడింగ్ వీడియో చేశాడు. అది కాస్తా వైరల్ అయ్యింది. అంతే కానీ రోషన్ ఎలాంటి రైడింగ్ లో దొరకలేదు. ఇటీవల చిన్న హీరోలు తమ చిత్రాల ప్రమోషన్స్ కోసం ఇలాంటి ట్రిక్స్ ప్లే చేస్తున్నారు.
ఫేక్, ఫ్రాంక్ వీడియోలు చేస్తున్నారు. అల్లరి నరేష్ ఉగ్రం సినిమా ప్రమోషన్ కోసం యాంకర్ సుమ అరెస్ట్ అయినట్లు నటించింది. సుమ అరెస్ట్ వీడియో కలకలం రేపింది. తాజాగా రోషన్ కూడా అదే పని చేశాడు. కాగా బబుల్ గమ్ మూవీ డిసెంబర్ 29న విడుదల కానున్నట్లు సమాచారం. రవికాంత్ పేరెపు ఈ చిత్ర దర్శకుడు కాగా మనసా చౌదరి హీరోయిన్ గా నటిస్తుంది.
