Anasuya: బుల్లితెర యాంకర్ అనసూయ ఇంట్లో విషాదం నెలకొంది. ఆమె తండ్రి సుదర్శన్ రావు కన్నుమూశారు. తార్నాకలోని ఆయన నివాసంలో తుదిశ్వాస విడిచారు. సుదర్శన్ రావు చాలాకాలంగా కాంగ్రెస్ పార్టీలో పనిచేశారు. అనసూయ ఎప్పుడూ తన తండ్రి గురించి మాట్లాడిన ప్రతిసారీ.. ఎంతో ప్రేమగా చెప్తుండేది. కాగా, ప్రస్తుతం అనసూయ కుటుంబం శోకసంద్రంలో మునిగిపోయింది. ఈ విషయం తెలిసిన సినీ ప్రముఖులు అనసూయ కుటుంబానికి సానుభూతి తెలిపారు.
అనసూయ తండ్రి పేరు సుదర్శన్.. ఆయనొక వ్యాపార వేత్త.. ఆయన తల్లి పేరునే అనసూయకు పెట్టుకున్నారు. అనసూయను ఆర్మీకి పంపించాలని ఆయన కల.కానీ, ఆనసూయ మాత్రం సినిమా ఇండస్ట్రీపై ఉన్న మక్కువతో ఈ వైపు స్టెప్ తీసుకుంది. అయితే, అనసూయ లవ్ మ్యారేజ్ చేసుకోవడంతో.. ఆమెను ఇంట్లో నుంచి వెల్లగొట్టేశారని ఒకానొక ఇంటర్వ్యూలో అనసూయ స్వయంగా చెప్పింది.
కెరీర్ మొదట్లో అనసూయ ఓ న్యూస్ ఛానల్లో న్యూస్ రీడర్గా పని చేసింది. ఆ తర్వాత మెల్లగా అవకాశాలు దక్కించుకుని యాంకర్గా మారింది. ప్రస్తుతం ఆమె వాక్చాతుర్యంతో ప్రేక్షకులను ఆకట్టుకుంది. ఆ తర్వాత తన నటనతోనూ అందర్నీ మెప్పించింది. ప్రస్తుతం ఓ వైపు జబర్దస్ట్ యాంకర్గా చేస్తూనే.. పలు సినిమాల్లో కీలక పాత్రలు పోషిస్తోంది. ఇటీవలే రంగస్థలం సినిమాలో రంగమ్మత్తగా అందర్నీ అలరించిన ఈ భామ.. ఇప్పుడు పుష్ప సినిమాలో మరో కీలక పాత్రలో కనిపించేందుకు సిద్ధమైంది. మరి ప్రేక్షకులను ఎలా ఆకట్టుకుంటుందో చూడాలి.
