Allu Arjun
Allu Arjun: హీరో అల్లు అర్జున్ తండ్రి అల్లు అరవింద్ ని ఉద్దేశిస్తూ చేసిన కామెంట్ వైరల్ అవుతుంది. ఆయన నాకు డబ్బులు ఇవ్వలేదని అల్లు అర్జున్ అన్నారు. సినిమాకు వంద కోట్లు తీసుకుంటున్న అల్లు అర్జున్ కి డబ్బులు అవసరం ఏమొచ్చింది? అల్లు అరవింద్ ఎందుకు డబ్బులు చెల్లించలేదు? అంటే… పెద్ద కథే ఉంది. ఈ మేటర్ ఇప్పటిది కాదు. దాదాపు నాలుగు దశాబ్దాల నాటిది. 1985లో విడుదలైన విజేత సూపర్ హిట్.
చిరంజీవి హీరోగా నటించిన ఈ చిత్రానికి ఏ కోదండరామిరెడ్డి దర్శకుడు. అప్పట్లో వీరిది బ్లాక్ బస్టర్ కాంబినేషన్. చిరంజీవి-ఏ కోదండరామిరెడ్డి మూవీ అంటే అంచనాలు భారీగా ఉండేవి. విజేత మూవీ హిందీ చిత్రం సాహెబ్ కి రీమేక్. ఈ చిత్రాన్ని అల్లు అరవింద్ నిర్మించారు. సినిమా హిట్ కావడంతో బాగానే డబ్బులు వచ్చాయి. కాగా ఇది అల్లు అర్జున్ మొదటి చిత్రం.
Allu Arjun
చైల్డ్ ఆర్టిస్ట్ గా నటించాడు అల్లు అర్జున్. ఆయన పసిప్రాయంలో చేసిన సినిమా అది. అప్పటికి మూడేళ్ళ బాలుడు. తాజాగా ఈ సినిమాను అల్లు అర్జున్ గుర్తు చేసుకున్నారు. విజేత 100 డేస్ మెమెంటో తో పాటు ఉన్న అల్లు అరవింద్ ఫోటో షేర్ చేశారు. ఆ ఫోటో పై కామెంట్ గా… ‘నా మొదటి సినిమా విజేత. మొదటి ప్రొడ్యూసర్(నాన్న). ఓహ్, ఈ సినిమాకు నాకు ఆయన డబ్బులు ఇవ్వలేదు, గుర్తొచ్చింది’ అని కామెంట్ రాశారు.
దాంతో ఇది వైరల్ అవుతుంది. అదన్న మాట మేటర్. అల్లు అర్జున్ తర్వాత స్వాతి ముత్యం, డాడీ చిత్రాల్లో చైల్డ్ ఆర్టిస్ట్ గా చేశారు. గంగోత్రి చిత్రంతో హీరోగా ఎంట్రీ ఇచ్చాడు. మొదట్లో అల్లు అర్జున్ లుక్ విషయంలో అనేక విమర్శలు ఎదుర్కొన్నారు. కష్టపడి ఎదిగిన అల్లు అర్జున్ పాన్ ఇండియా స్టార్ అయ్యాడు. ప్రస్తుతం సుకుమార్ దర్శకత్వంలో పుష్ప 2 చేస్తున్నారు.
