బన్నీకి కలిగిన ఆ కోరిక తీరుతుందా ?

ఈ మధ్య అల్లు అర్జున్ కి ఒక కోరిక కలిగిందట.. తానూ కూడా పాన్ ఇండియా స్టార్ అనిపించుకోవాలన్నదే బన్నీ కోరిక. అందుకే మార్కెట్ లేకపోయినా సుకుమార్ కలయికలో రానున్న ‘పుష్ప’ సినిమాని పాన్ ఇండియా మూవీగా తేవడానికి.. ఇది పాన్ ఇండియా మూవీనే అని నమ్మకం కలిగించడానికి పుష్ప టీమ్ చాలానే ప్రయత్నాలు చేస్తోంది. వాటిలో భాగంగా ఎలాగైనా బాలీవుడ్ స్టార్ హీరోయిన్ అలియా భట్ ను ఓ స్పెషల్‌ సాంగ్‌ కోసం ఒప్పించాలని మేకర్స్ ప్రయత్నాలు చేస్తున్నారట. రామ్ చరణ్ సహాయంతో ఇప్పటికే సుకుమార్ ఫోన్ ద్వారా అలియాకి సాంగ్ తాలూకు ప్రాముఖ్యతను వివరించాడట. మరి బన్నీతో స్టెప్స్ వేయడానికి అలియా ఒప్పుకుంటుందా.. ఎంత లేదనుకున్నా అలియాకి ప్రత్యేక సాంగ్ అంటే కచ్చితంగా తక్కువే. మరి ఈ బ్యూటీ ఏమి చేస్తోందో చూడాలి. అన్నట్లు అలియా ఒప్పుకోకపోతే అప్షన్ గా బాలీవుడ్‌ బ్యూటీ ఊర్వశి రౌటెలాను తీసుకోవాలని బన్నీ టీమ్ డిసైడ్ అయిపోయింది. మరి బన్నీకి అలియా దొరుకుతుందో లేక ఊర్వశితోనే ఎడ్జెస్ట్ అవ్వాలో త్వరలో తెలియనుంది. ఒకవేళ అలియా ఒప్పకుంటే.. పుష్పకి పాన్ ఇండియా రేంజ్ వచ్చినట్లే.. ఆ రకంగా బన్నీ కోరిక తీరినట్లే.

ఆ విధంగా జగన్ పై పవన్ గెలిచాడట..!

అలాగే పుష్పకి తమిళంలో కూడా మంచి మార్కెట్ తేవడానికి విజయ్ సేతుపతిని తీసుకున్నారు. అయితే ఈ సినిమా నుండి విజయ్ సేతుపతి తప్పుకునట్లు గత కొన్ని రోజులుగా వార్తలు వస్తున్నాయి. కానీ విజయ్ సేతుపతి సినిమా నుండి తప్పుకోలేదు. పైగా ఓ కీలక రోల్ లో ఒకప్పటి తమిళ్ రొమాంటిక్ హీరో మాధవన్ ను కూడా తీసుకోవాలనే ఆలోచనలో ఉన్నారు సుకుమార్ బ్యాచ్. ఇక ఈ చిత్రంలో బన్నీకి జోడీగా ఓ గిరిజన యువతి పాత్రలో వరుస విజయాలతో దూసుకుపోతున్న రష్మిక మందన్న కథానాయికగా తీసుకున్నారు. అదే విధంగా కన్నడ పరిశ్రమ నుండి అక్కడ స్టార్ డమ్ ఉన్న రమ్యను కూడా ఓ పాత్ర కోసం తీసుకోబోతున్నారు. మొత్తానికి అన్ని ఇండస్ట్రీస్ నుండి స్టార్ లను తీసుకుని పుష్పకి పాన్ ఇండియా అనే రేంజ్ తీసుకువస్తున్నారు. మరి పుష్పతో బన్నీ పాన్ ఇండియా స్టార్ అనిపించుకుంటాడా.. చూడాలి.