Pushpa: డిసెంబరు 17 ప్రపంచవ్యాప్తంగా విడుదలైన పుష్ప.. ఇప్పటికీ ఎక్కడా తగ్గేదె లే అంటూ కలెక్షన్ల సునామీ సృష్టిస్తోంది. విడుదలైన రెండో రోజే.. వందకోట్ల క్లబ్లో చేరిపోయి.. రికార్డులు నెలకొల్పింది. ఈ క్రమంలోనే పుష్ప భారీ హిట్ కొట్టిన సందర్భంగా చిత్తూరులో నిర్వహించిన సక్సెస్ మీట్లో అల్లు అర్జున్ మాట్లాడారు. తనకు ఇంత మాసీవ్ హిట్ అందించిన ప్రేక్షకులందరికీ ధన్యవాదాలు తెలియజేశారు.
Pushpa
రెండు సంవత్సరాలుగా ఈ సినిమా కోసం చిత్తూరు యాసను నేర్చుకున్నట్లు తెలిపారు. ప్రతి చిన్న చిన్న విషయాలను కూడా మిస్ కాకుండా పట్టుకుని మరి ఈ సినిమాలో చిత్తూరు కుర్రాడిగా కనిపించేందుకు సాయశక్తులా ప్రయత్నించినట్లు పేర్కొన్నారు. ఈ సినిమా తర్వాత ఒక్క కార్యక్రమాన్నైనా చిత్తూరులో నిర్వహించాలని అనుకునే.. సక్సెస్ మీట్ను ఇక్కడ నిర్వహించినట్లు వివరించారు బన్ని.
Also Read: “అల్లు అర్జున్” నటన అమేజింగ్ అంటున్న అర్జున్ రెడ్డి డైరక్టర్
ఆ ఏడుకొండల స్వామి భక్తులకు ఎలా అండగా ఉన్నారో.. నా వెనక సుకుమార్ సుకుమార్ అలాగే ఉన్నాడు. ఆయనే నా బాలాజీ. ఇవాళ పుష్ప ఇంత విజయం సాధించిందంటే దానికి కారణం సుకుమార్. నాకు ఇంతటి భారీ విజయాన్ని అందించిన ఆయనకు థ్యాంక్స్. అంటూ చెప్పుకొచ్చారు బన్ని. మ్యూజిక్ డైరెక్టర్ దేవిశ్రీ ప్రసాద్తో పాటు సినిమాలో పనిచేసిన ప్రముఖుల గురించి టెక్నిషియన్ల గురించి కడా ప్రస్తావించి.. ప్రతి ఒక్కరికి కృతజ్ఞతలు తెలిపారు. మధ్యలో చిత్తూరు యాసలో మాట్లాడి అందరినీ ఆశ్చర్యపరిచారు. కాగా, ఇందులో రష్మిక హీరోయిన్గా నటించింది. అనసూయ, సునీల్తో పాటు తదితరులు కీలక పాత్రలు పోషించారు.
Also Read: ‘పుష్ప’ లేటెస్ట్ కలెక్షన్స్.. బాక్సాఫీస్ షేక్ అయింది !