Raka Movie First Look: ఐకాన్ స్టార్ అల్లు అర్జున్ ప్రస్తుతం ముంబై లో ‘రాకా’ మూవీ షూటింగ్ తో ఫుల్ బిజీ గా ఉన్న సంగతి అందరికీ తెలిసిందే . ఈ సినిమా షూటింగ్ కారణంగా సోమవారం తొక్కిసలాట కేసులో విచారణకు నాంపల్లి హైకోర్టు కి కూడా ఆయన హాజరు కాలేకపోయారు. దీనిపై సోషల్ మీడియా లో ఒక రేంజ్ ట్రోల్స్ నడిచాయి కూడా. ఇదంతా పక్కన పెడితే ఈ చిత్రం తర్వాత ఆయన వెంటనే లోకేష్ కనకరాజ్ దర్శకత్వం లో ఒక సినిమా చేయబోతున్న సంగతి తెలిసిందే. గ్రాండ్ గా ఈ చిత్రానికి సంబంధించిన అధికారిక ప్రకటన కూడా జరిగింది. అయితే ఈమధ్య కాలం లో ఈ సినిమా ఆగిపోయిందని , అల్లు అర్జున్ కి కథ అసలు నచ్చలేదని సోషల్ మీడియా లో పలు రకాల రూమర్స్ చక్కర్లు కొట్టాయి.
ఆ రూమర్స్ కి చెక్ పెడుతూ , రేపు ముంబై లో ఈ చిత్రానికి సంబంధించిన ట్రయిల్ షూట్ ని భారీ రేంజ్ లో ప్లాన్ చేశారట. ఇది రెగ్యులర్ ఫోటో షూట్ కాదని , ట్రయిల్ షూట్ లాంటిదని , రాబోయే రోజుల్లో ఫస్ట్ లుక్ ని కూడా గ్రాండ్ స్కేల్ లో విడుదల చేస్తారని చెప్పుకొస్తున్నారు. త్వరలోనే దీనికి సంబంధించిన అధికారిక అప్డేట్ రానుంది. అల్లు అర్జున్ , లోకేష్ కామరాజ్ , అనిరుద్ కాంబినేషన్ లో సినిమా అంటే , మూడు డ్రాగన్స్ కలిసి సృష్టించే విద్వంసం అన్నట్టే లెక్క. లోకేష్ కనకరాజ్ గత రెండు సినిమాలు కలెక్షన్స్ పరంగా దుమ్ము లేపాయి కానీ , కంటెంట్ పరంగా ప్రేక్షకులను నిరాశకు గురి చేశాయి. అందుకే ఈసారి ఆయన తనలోని వింటేజ్ రైటింగ్ ని బయటకు తీసి ఇప్పటి వరకు ఇండియన్ సిల్వర్ స్క్రీన్ పై ఎవ్వరూ చూడని కథ తో మన ముందుకు రాబోతున్నారట.
ఈ సినిమాలు మ్యూజిక్ నుండే జెన్ జీ ఆడియన్స్ మెంటలెక్కిపోతారు అనడంలో ఎలాంటి సందేహం లేదు. ఇప్పటికే ప్రకటన వీడియో కి సంబంధించిన బ్యాక్ గ్రౌండ్ మ్యూజిక్ ఇన్ స్టాగ్రామ్ ని రూల్ చేస్తోంది. రీసెంట్ గా ప్రధానమంత్రి నరేంద్ర మోడీ కూడా ఈ బ్యాక్ గ్రౌండ్ మ్యూజిక్ ని ఉపయోగించుకున్నాడు అంటేనే అర్థం చేసుకోవచ్చు , ఈ సినిమా రేంజ్ ఏంటి అనేది. రాబోయే రోజుల్లో ఈ కాంబినేషన్ నుండి ఇంకెన్ని అద్భుతాలు క్రియేట్ అవుతాయో చూడాలి.
