Allu Arjun Arya Re Release: టాలీవుడ్ లో మరోసారి రీ రిలీజ్ ట్రెండ్ జోరు ఊపందుకుంది. ఈ నెల 26 నుండి వరుసగా స్టార్ హీరోలకు సంబంధించిన పాత సూపర్ హిట్ చిత్రాలు దండయాత్ర చేయనున్నాయి. ఈ నెల 26 న సూపర్ స్టార్ మహేష్ బాబు ఒక్కడు చిత్రం రీ రిలీజ్ కాబోతుందని. అదే రోజున పవర్ స్టార్ పవన్ కళ్యాణ్ ‘గబ్బర్ సింగ్’ చిత్రం కూడా రీ రిలీజ్ అవ్వాల్సింది , కానీ రామ్ చరణ్ ‘పెద్ది’ చిత్రం కోసం వాయిదా వేస్తున్నట్టు ఆ చిత్ర నిర్మాత బండ్ల గణేష్ నిన్న ట్విట్టర్ వేదికగా చెప్పుకొచ్చాడు. ఇక జూన్ 27 న మంచు విష్ణు ‘కన్నప్ప’ రీ రిలీజ్ కాబోతుంది. ఇక జులై నెలలో అయితే అల్లు అర్జున్ పాత సినిమాలు వరుసగా దండయాత్ర చేయబోతున్నాయి. రీసెంట్ గానే కేరళలో ‘హ్యాపీ’ మలయాళం వెర్షన్ ని రీ రిలీజ్ చేయగా, అక్కడ సెన్సేషన్ సృష్టించింది.
ఇప్పటి వరకు ఈ చిత్రం కేరళలో 2 కోట్ల రూపాయలకు పైగా గ్రాస్ వసూళ్లను రాబట్టి, ఇప్పటికీ డీసెంట్ స్థాయి వసూళ్లతో ముందుకు వెళ్తోంది. ‘హ్యాపీ’ చిత్రం సెన్సేషన్ ని గమనించిన మన తెలుగు ఎక్సిభిటర్స్ జులై లో ఈ చిత్రాన్ని తెలుగు రాష్ట్రాల్లో గ్రాండ్ గా రీ రిలీజ్ చేయబోతున్నారు. మలయాళం లో సెన్సేషన్ సృష్టించిన ఈ చిత్రం , తెలుగు రాష్ట్రాల్లో కూడా అదే మ్యాజిక్ ని రిపీట్ చేస్తుందా లేదా అనేది చూడాలి. ఇకపోతే ఇదే జులై నెలలో , అల్లు అర్జున్ కెరీర్ లో ఆల్ టైం క్లాసిక్ గా నిల్చిన ‘ఆర్య’ చిత్రాన్ని రీ రిలీజ్ చేయబోతున్నారు. ఎన్నేళ్లు గడిచినా , ఈ చిత్రానికి క్రేజ్ ఇసుమంత కూడా తగ్గలేదు. నేటి తరం ఆడియన్స్ కూడా ఈ చిత్రాన్ని ఎంతగానో ఇష్టపడుతున్నారు.
అంతే కాకుండా, ఈ చిత్రం లోని పాటలు కూడా పెద్ద సెన్సేషన్ అనొచ్చు. ‘అ అంటే అమలాపురం’ అనే పాట ఆరోజుల్లో ఎంతటి ప్రభంజనం సృష్టించిందో అందరికీ తెలిసిందే. ఇప్పటికీ టీవీ డ్యాన్స్ షోస్ లలో ఈ పాట వినిపిస్తూనే ఉంటుంది. ఈ పాటకు నేటి తరం జెన్ జీ ఆడియన్స్ ఏ రేంజ్ లో వైబ్ అవుతారో మీరే ఊహించుకోండి. మరో ఆసక్తికరమైన విషయం ఏమిటంటే , హ్యాపీ చిత్రానికి మలయాళం వెర్షన్ లో వచ్చిన రెస్పాన్స్ ని చూసి ‘ఆర్య’ చిత్రాన్ని తెలుగు తో పాటు, మలయాళం, హిందీ వెర్షన్స్ లో కూడా డబ్ చేసి జులై లో గ్రాండ్ గా విడుదల చేయబోతున్నారు. మరి ఈ చిత్రానికి ఆడియన్స్ నుండి ఎలాంటి రెస్పాన్స్ రాబోతుందో చూడాలి.
