Allu Arha: పువ్వు పుట్టగానే పరిమళిస్తుంది అంటారు. చిన్న నాడే తెలుస్తుంది సిరిగల గుణం అనేది సామెత. కొందరు చిన్నతనం నుంచే మంచి గుణాలు అలవరచుకుని అందరిని ఆశ్చర్యపరుస్తుంటారు. మరికొందరికి ఎంత వయసు వచ్చినా మంచి అనేది వారికి ఒంటబట్టదు. దీంతో మంచి వారెప్పుడు ప్రజల నాలుకల్లో నానుతూనే ఉంటారు. అదే కోవకు చెందుతుంది స్టైలిష్ స్టార్ అల్లు అర్జున్ కూతురు అర్హ. చిన్న నాటి నుంచే సామాజిక మాధ్యమాల్లో తన ప్రభావం చూపిస్తోంది. దీంతో ఆమె గురించి తెలియని వారుండరంటే అతిశయోక్తి కాదు.
బన్ని కూతురుగా పేరుపొందిన అర్హకు సినిమాలో కూడా అవకాశం దొరికింది. ఇంత చిన్న వయసులో వెండితెరపై అరంగేట్రం చేయనుంది. సమంత ప్రధాన పాత్రలో గుణశేఖర్ దర్శకత్వంలో తెరకెక్కుతున్న శాకుంతలం సినిమాలో అర్హ ఓ పాత్ర చేస్తున్న సంగతి తెలిసిందే. దీంతో ఇంత చిన్న పాప నటించడం ఏమిటని అందరిలో ఆశ్చర్యం వేస్తోంది. ఈ విషయం సోషల్ మీడియాలో వైరల్ అవుతోంది. అర్హకు వచ్చిన అవకాశానికి అందరిలో ఆలోచనలు పెరుగుతున్నాయి.
అర్హకు మట్టితో వినాయకులను చేయడమంటే ఇష్టం. దీంతో పర్యావరణానికి హాని కలిగించే రసాయనాల బొమ్మలకు బదులు మట్టి వినాయకులను పూజించాలని పర్యావరణ ప్రేమికులు ఎంత మొత్తుకుంటున్నా ఎవరు వినిపించుకోవడం లేదు. కానీ చిన్న వయసులో అర్హ మాత్రం ఈ మట్టి బొమ్మలపై ప్రచారం చేసే నిమిత్తం బొమ్మలను తయారు చేయడం గమనార్హం.
తాజాగా అల్లు అర్హ కు సంబంధించిన లేటెస్ట్ ఫొటోలను షేర్ చేశారు. బన్ని భార్య స్నేహారెడ్డి అర్హ చిట్టి చేతులతో గణపయ్యను తయారు చేసే ఫొటోలు పెట్టారు. దీంతో నెటిజన్లు విపరీతంగా లైకకులు కొడుతున్నారు. షేర్ చేస్తున్నారు. చిన్న వయసులోనే నెటిజన్లకు ఇష్టమైన పాపగా గుర్తింపు తెచ్చుకోవడంతో తల్లిదండ్రులకు సంతోషం తెస్తోంది. భవిష్యత్ లో తమ పాప ఇంకా ఏం వింతలు చేస్తుందో అని అల్లు కుటుంబం ఆశ్చర్యపోతోంది.
