గత కొన్నేళ్లుగా హీరోగా వరుస పరాజయాలతో సతమతవుతున్న అల్లరి నరేష్ ప్రయోగాత్మకంగా చేస్తున్న కొత్త చిత్రం ‘నాంది’. కాగా తాజాగా ఈ సినిమా నుండి ఒక కొత్త పోస్టర్ వచ్చింది. పోస్టర్ లో అల్లరి నరేష్ పోలీస్ స్టేషన్ లో నగ్నంగా కనిపించి షాక్ ఇచ్చాడు. ఇక ఈ చిత్రం టీజర్ జూన్ 30న విడుదల అవుతుందని మేకర్స్ పోస్టర్ తో సగర్వంగా చాటి చెప్పుకున్నారు. మరి టీజర్ లో మ్యాటర్ ఉందో లేదో చూడాలి.
విజయ్ కనకమేడల దర్శకత్వంలో రూపొందుతున్న ఈ సినిమా పై ప్రేక్షకుల్లో విపరీతమైన ఆసక్తి ఉంది. మరి ఎక్కువగా కామెడీ జానర్లో సినిమాలు చేసే నరేష్ అప్పుడప్పుడు ఇలాంటి ఇంటెన్స్ చిత్రాలను కూడా టచ్ చేస్తుంటాడు. గతంలో కూడా ‘నేను, విశాఖ ఎక్స్ ప్రెస్, గమ్యం, శంభో శివ శంభో’ లాంటి చిత్రాలతో మెప్పించిన నరేష్ లాంగ్ గ్యాప్ తర్వాత అలాంటి కథతో చేస్తున్న సినిమానే ఈ ‘నాంది’. కానీ నరేష్ టైం ఈ మధ్య అసలు బాగాలేదు.
మరి గత కొన్ని సినిమాలుగా వరుస ప్లాప్ లతో బాక్సాఫీస్ వద్ద ఫెయిల్ అవుతూ వస్తోన్న అల్లరి నరేష్ ఈ వినూత్నమైన సినిమాతో హిట్ ట్రాక్ ఎక్కుతాడా.. క్రైమ్, థ్రిల్లింగ్ ఎలిమెంట్స్ మాత్రమే కాకుండా సామాజిక అంశాలు కూడా ఉన్న ఈ సినిమా ఆకట్టుకుంటుందా ఉండనున్నాయి.