Pawan Kalyan- Ali
Pawan Kalyan- Ali: పవన్ కళ్యాణ్-ఆలీ బెస్ట్ ఫ్రెండ్స్. ఏళ్ల తరబడి వీరి స్నేహం సాగింది. పవన్ కళ్యాణ్ ప్రతి సినిమాలో ఆలీ ఉండాల్సిందే. వీరి మధ్య రాజకీయాలు చిచ్చు పెట్టాయి. పవన్ కళ్యాణ్ జనసేన అధినేతగా ఉన్నారు. జనసేన ప్రత్యర్థి పార్టీ వైసీపీలో ఆలీ చేరారు. 2019 సార్వత్రిక ఎన్నికల్లో ఆలీ వైసీపీ పార్టీ తరపున ప్రచారం చేశారు. ఈ క్రమంలో ఆలీ-పవన్ కి మాటల యుద్ధం కూడా జరిగింది. అప్పటి నుండి గ్యాప్ వచ్చింది. మాట్లాడుకోవడం లేదనే వాదన ఉంది.
ఆ వాదనలు బలపరుస్తూ ఈ మధ్య విడుదలైన పవన్ సినిమాల్లో ఆలీ నటించలేదు. అలాగే ఆలీ కూతురు పెళ్ళికి పవన్ కళ్యాణ్ హాజరు కాలేదు. అయితే పవన్ తో విబేధాలని వస్తున్న వార్తలను ఆలీ పలుమార్లు ఖండించారు. పవన్ కళ్యాణ్ నాకు ఎప్పటికీ మిత్రుడే. మా అమ్మాయి పెళ్ళికి ఆహ్వానించేందుకు వెళితే చక్కగా మాట్లాడారు. పెళ్ళికి ఆయన రావాల్సి ఉంది. ఫ్లైట్ మిస్ కావడంతో రాలేకపోయారని చెప్పారు.
పవన్ కావాలనే ఆలీ కూతురు వివాహానికి హాజరుకాలేదని వార్తలు వచ్చాయి. కాగా పవన్ కళ్యాణ్-ఆలీ వివాదాల పరంపరకు ఫుల్ స్టాప్ పెట్టనున్నారట. పవన్ నెక్స్ట్ మూవీలో ఆలీ నటించడం ద్వారా పుకార్లకు చెక్ పెట్టాలని అనుకుంటున్నారట. సుజీత్ దర్శకత్వంలో పవన్ కళ్యాణ్ నటిస్తున్న ఓజీలో ఆలీ నటిస్తున్నారు టాలీవుడ్ టాక్. దీనిపై అధికారిక సమాచారం లేకున్నప్పటికీ ప్రముఖంగా ప్రచారం అవుతుంది.
అజ్ఞాతవాసి చిత్రం నుండి ఆలీ పవన్ కళ్యాణ్ చిత్రాల్లో నటించింది లేదు. చాలా గ్యాప్ తర్వాత ఓజీలో కలిసి నటించనున్నారట. డివివి దానయ్య ఈ చిత్రాన్ని భారీ బడ్జెట్ తో నిర్మిస్తున్నారు. చిత్రీకరణ దశలో ఉన్న ఈ మూవీ వచ్చే ఏడాది విడుదలయ్యే సూచనలు కలవు. పవన్ ఓజీలో గ్యాంగ్ స్టర్ రోల్ చేస్తున్నారు. అలాగే హరి హర వీరమల్లు, ఉస్తాద్ భగత్ సింగ్ చిత్రాల్లో పవన్ కళ్యాణ్ నటిస్తున్నారు. బ్రో విడుదలకు సిద్ధం అవుతుంది.
