Akhil: టాలీవుడ్ యంగ్ హీరో అక్కినేని వారసుడు అఖిల్ ఎప్పటి నుంచో మంచి సాలిడ్ హిట్ కోసం ఎదురు చూస్తున్నారు. ఈ క్రమంలోనే ఈ ఏడాది మోస్ ఎలిజిబుల్ బ్యాచ్లర్తో మంచి టాక్ తెచ్చుకున్నారు. ఈ ఉత్సాహంతోనే తన తర్వాత మూవీ కోసం భారీగా కష్టపడుతున్నారు. సురేందర్రెడ్డి దర్శకత్వంలో అఖిల్ తన తర్వాత సినిమా చేస్తున్న సంగతి తెలిసిందే.
స్పై థ్రిల్లర్ నేపథ్యంలో ఈ సినిమా తెరకెక్కనుంది. ఈ చిత్రానికి ఏజెంట్ అనే టైటిల్ను పెట్టారు. దీంతో అభిమానుల్లో అంచనాలు తారస్థాయికి చేరుకున్నాయి. ప్రస్తుతం ఈ సినిమా షూటింగ్ కూడా శరవేగంగా సాగుతోంది. ఇందులో అఖిల్ గూఢచారిగా కనిపించనున్నారు. దానికి తగ్గట్లుగానే అఖిల్ తన లుక్ను మార్చుకుంటున్నారు. తాజాగా, అఖిల్ కొత్త మేకోవర్ అందర్నీ ఆకర్శించింది.
ఈ ఫొటోలో కండలు తిరిగిన దేహంతో చాలా దృఢంగా కనిపిస్తూ అభిమానులను ఆకట్టుకున్నాడు. ప్రస్తతం ఈ ఫొటో నెట్టింట వైరల్గా మారింది. ఇప్పటికే రెండు షెడ్యూల్స్ పూర్తి చేసుకున్న ఈ సినిమా.. తదుపరి షెడ్యూల్లోకి అడుగుపెట్టనుంది. ఏకే ఎంటర్‌టైన్‌మెంట్స్ నిర్మిస్తున్న ఈ సినిమా వచ్చే ఏడాది ప్రేక్షకుల ముందుకు రానుంది.ప్రస్తుతం కొచ్చిలో షూటింగ్ ప్రారంభించినట్లు సమాచారం. ఈ షెడ్యూల్లో యాక్షన్ సీక్వెన్స్ చిత్రీకరించనున్నారు. ఈ సినిమాలో అఖిల్ సిక్స్ ప్యాక్‌తో కనిపించనున్నారు. ఇందులో అఖిల్‌కు జోడీగా బాలీవుడ్ స్టార్ హీరోయిన్ సాక్షి వైద్య నటిస్తోంది. ఈ సినిమాకు తమన్ సంగీతం అందిస్తున్నారు.