Akhil Agent Movie: వైరల్ : సిగరెట్ కాలుస్తూ వైల్డ్ గా అఖిల్

Akhil Agent Movie: సురేందర్ రెడ్డి డైరెక్షన్ లో అక్కినేని అఖిల్ నటిస్తున్న ‘ఏజెంట్’ సినిమా నుంచి ఈ రోజు వచ్చిన కొత్త పోస్టర్ బాగా వైరల్ అవుతుంది. అఖిల్ పుట్టినరోజు సందర్భంగా ఈ కొత్త పోస్టర్ ను చిత్రబృందం విడుదల చేసింది. ఇందులో అఖిల్ సిగరెట్ కాలుస్తూ వైల్డ్గా కనిపించారు. స్పై థ్రిల్ల‌ర్‌గా తెరకెక్కుతోన్న ఈ సినిమాలో సాక్షి వైద్య హీరోయిన్ గా నటిస్తోంది. ఐతే, అఖిల్ అక్కినేని ఎంత కష్టపడినా ఇంకా సాలిడ్ హిట్ మాత్రం అందుకోలేకపోయాడు.

గుడ్డిలో మెల్ల లాగా మోస్ట్ ఎలిజిబుల్ బ్యాచిలర్ తో ఓ ఏవరేజ్ హిట్ ను మాత్రం తన ఖాతాలో వేసుకున్నాడు. కానీ ఆ సినిమాకు కూడా థియేటర్స్ నుంచి ఆశించిన స్థాయిలో కలెక్షన్స్ రాలేదు. దాంతో అఖిల్ బాగా నిరాశ పడ్డాడు. అయితే, ఆ నిరాశ నుంచి త్వరగా బయటకు వచ్చేసి మొత్తానికి తన కొత్త సినిమా కోసం తెగ కష్టపడుతున్నాడు. ఈ క్రమంలో దర్శకుడు సురేందర్ రెడ్డితో సినిమా చేస్తున్నాడు.

పైగా ఈ ‘ఏజెంట్’ సినిమా కోసం అఖిల్ భారీ కసరత్తులు చేస్తూ సిక్స్ ప్యాక్ కూడా చేస్తున్నాడు. తన నరాలు కూడా ఎముకలు లాగా బలంగా లావుగా కనిపించేంతగా అఖిల్ ఈ సినిమా కోసం బాడీని పెంచాడు. కండలు తిరిగిన దేహంతో ఒళ్ళు విరుచుకుంటూ అఖిల్ ఇచ్చిన ఫోజు మరీ వైల్డ్ గా ఉంది. ప్రస్తుతానికి అఖిల్ లుక్ బాగా వైరల్ అవుతుంది.

నిజానికి అఖిల్ చాలా కాలంగా జిమ్ కే ఎక్కువ టైమ్ కేటాయించాడు. కాగా తన కష్టాన్ని ఒక్క పోస్టర్ లోనే కళ్లకు కట్టినట్లు చూపించాడు. ఇక, ఈ సినిమాకి భారీ బడ్జెట్ పెడుతున్నారు. అఖిల్ మార్కెట్ స్థాయి కంటే రెట్టింపు పెట్టుబడి పెడుతున్నారు. మెగాస్టార్ తో వందల కోట్ల బడ్జెట్ తో సైరా తీసిన సురేందర్ రెడ్డి ఆ సినిమా నిర్మాతకు భారీ నష్టాలను మిగిల్చాడు.

మరి ఇప్పుడు అఖిల్ తో కూడా సురేందర్ రెడ్డి భారీ బడ్జెట్ ను పెట్టిస్తున్నాడు. మరి ఈ బడ్జెట్ ఎంతవరకు వర్కౌట్ అవుతుందో చూడాలి. ఈ సినిమాకి థమన్ సంగీతం అందిస్తున్నాడు. ఏకే ఎంటర్టైన్మెంట్స్ వారు ఈ సినిమాను నిర్మిస్తున్నారు. ఈ సినిమా ఆగస్టు 12న విడుదల కానుంది.