Stree 2(1)
Stree 2: సినిమా ఇండస్ట్రీలో ఒక సినిమా సక్సెస్ అయింది అంటే చాలు దాని క్రెడిట్ అందరూ తీసుకోవాలని చూస్తుంటారు. ముఖ్యంగా హీరోల అభిమానులు అయితే మా హీరో చేయడం వల్లే ఆ సినిమా సూపర్ సక్సెస్ అయింది అంటూ ప్రచారం చేసుకుంటూ ఉంటారు. కానీ ఒక సినిమా ఫ్లాప్ అయితే మాత్రం ఆ సినిమా దర్శకుడు వల్లే ఫ్లాప్ అయింది అంటూ దర్శకుడి ని ట్రోల్ చేస్తూ ఉంటారు… ఇక ఇప్పుడు బాలీవుడ్ లో సూపర్ సక్సెస్ ఫుల్ సినిమాగా ముందుకు దూసుకెళ్తున్న స్ట్రీ 2 సినిమా క్రెడిట్ ని కూడా ఆ సినిమాలో పనిచేసిన నటీనటులు తీసుకుంటున్నారు. నిజానికి శ్రద్ధా కపూర్ ఈ సినిమా లో లీడ్ రోల్ పోషించింది. కాబట్టి తన వల్లే ఈ సినిమా సూపర్ సక్సెస్ అయిందంటూ తన అభిమానులు సోషల్ మీడియాలో న్యూస్ లను ఎక్కువగా వైరల్ చేస్తున్నారు.
ఇక అలాగే రాజ్ కుమార్ రావు ఈ సినిమాలో తనదైన రీతిలో మంచి పర్ఫామెన్స్ ని ఇచ్చారు. కాబట్టి తన వల్లే ఈ సినిమా సక్సెస్ అయిందని ఆయన అభిమానులు కూడా ప్రచారాలు చేసుకుంటున్నారు. ఇక ఇదిలా ఉంటే ఈ సినిమాలో చిన్న గెస్ట్ అప్పియరెన్స్ ఇచ్చిన అక్షయ్ కుమార్ వల్ల ఈ సినిమా సూపర్ సక్సెస్ అయిందంటూ ఆయన అభిమానులు చెప్పడం విశేషం… నిజానికి అక్షయ్ కుమార్ వల్ల ఈ సినిమాకి పెద్దగా కలిసి వచ్చింది అయితే ఏమీ లేదు. ఎందుకంటే అక్షయ్ కుమార్ చేసిన గత 13 సినిమాలు డిజాస్టర్లుగా మారాయి అంటే ఆయన సినిమాలను చూడడానికి తన అభిమానులు కూడా పెద్దగా ఆసక్తి చూపించడం లేదు.
కానీ ఈ సినిమా సక్సెస్ అయింది అలాగే 500 కోట్ల వరకు కలెక్షన్లు రాబడుతుందనే అంచనాలు కూడా ఉన్నాయి. కాబట్టి సక్సెస్ ని తమ ఖాతాలో వేసుకోవాలని నటీనటుల అభిమానులు చూస్తున్నారు. నిజానికి ఈ సినిమా సక్సెస్ అనేది ఏ ఒక్కరి వళ్ళో వచ్చింది కాదు. సినిమా యూనిట్ సినిమా మీద పెట్టిన ఎఫర్ట్ అలాగే దర్శకుడు ఈ సినిమాని తెరకెక్కించిన విధానం. ఇక మొదటి పార్ట్ సక్సెస్ అవ్వడం వల్ల ఆ సినిమా నుంచి వచ్చిన ఇమేజ్ కానీ అన్ని రకాలుగా ఈ సినిమాకి హెల్ప్ అయ్యాయి.
కాబట్టి ఈ సినిమా సూపర్ సక్సెస్ గా నిలిచి ముందుకు దూసుకెళ్తుంది. అంతే తప్ప ఏ ఒక్కరి వల్ల ఈ సినిమా సక్సెస్ అయిందని చెప్పడం కరెక్ట్ కాదంటూ ట్రేడ్ పండితులు సైతం వాళ్ల అభిప్రాయాల్ని తెలియజేస్తున్నారు… ఇక ఈ సినిమాతో సక్సెస్ రావడంతో బాలీవుడ్ కొంతవరకు ఊపిరి పీల్చుకున్నట్టుగా అయింది. ఇక ఇప్పటివరకు వరుసగా భారీ ఫ్లాప్ లను చవిచూస్తున్న బాలీవుడ్ ఇండస్ట్రీ అతలాకుతలం అవుతున్న సమయంలో ‘స్ట్రీ 2’ సినిమా కొంతవరకు ఉపశమనాన్ని ఇచ్చిందనే చెప్పాలి…