F3: అనిల్ రావిపుడి దర్శకత్వంలో విక్టరీ వెంకటేశ్, వరుణ్ తేజ్ కలిసి నటిస్తున్న చిత్రం ఎఫ్ 3. ఈ సినిమాలో తమన్నా, మెహరీన్ హీరోయిన్లుగా నటిస్తున్నారు. గతంలో వీరి కాంబినేషన్లో వచ్చిన ఎఫ్2 ప్రేక్షకులను ఎంతగానో ఆకట్టుకుంది. ఈ క్రమంలోనే మరోసారి కామెడీతో నవ్వించేందుకు సిద్ధమయ్యింది చిత్రబృందం. శ్రీ వెంకటేశ్వర క్రియేషన్స్పై దిల్రాజు ఈ సినిమాను నిర్మిస్తున్నారు. దేవిశ్రీ ప్రసాద్ సంగీతం అందిస్తున్నారు.
ప్రస్తుతం ఈ సినిమా షూటింగ్ శరవేగంగా జరుపుకుంటోంది. ఇప్పటికీ ఈ సినిమా నుంచి విడుదలైన పోస్టర్లు, టీజర్లు సినిమాపై హైప్ క్రియేట్ చేశాయి. అయితే, ఈ సినిమా ఫిబ్రవరిలో విడుదల కావాల్సి ఉండగా.. తాజాగా, రిలీజ్ డేట్ మారుస్తూ కొత్త అప్డేట్ ఇచ్చారు మేకర్స్. ఈ సినిమాను వచ్చే ఏడాది ఏప్రిల్ 29న విడుదల చేస్తున్నట్లు ప్రకటించారు. ఈ క్రమంలోనే సమ్మర్ సోగ్గాళ్లు అంటూ సినిమాకు సంబంధించిన పోస్టర్ను విడుదల చేసింది చిత్రబృందం. ఈ సినిమాకు, గతంలో వచ్చిన ఎఫ్2 కథకు ఎటువంటి సంబంధం ఉండదని మరోసారి గుర్తు చేశారు అనిల్ రావిపుడి.
Also Read: ‘పుష్ప’ లేటెస్ట్ కలెక్షన్స్.. బాక్సాఫీస్ షేక్ అయింది !
https://twitter.com/SVC_official/status/1473164624782450689?s=20
కాగా, దృశ్యం2తో సూపర్ హిట్ కొట్టిన వెంకీ మామ.. ప్రస్తుతం రానాతో కలిసి ఓ వెబ్సిరీస్ తీస్తున్నాడు. మరోవైపు వరుణ్తేజ్ గని సినిమాతో బాక్సర్గా కనిపించేందుకు సిద్ధమయ్యాడు. ఈ చిత్రంలో సయీ మంజ్రేకర్ హీరోయిన్గా నటిస్తుండగా సునీల్ శెట్టి, ఉపేంద్ర కీలకపాత్రలు పోషిస్తున్నారు. కిరణ్ కొర్రపాటి దర్శకత్వం వహిస్తున్నాడు.ఇప్పటికే ఈ సినిమా నుంచి విడుదలైన ప్రోమోలు, పోస్టర్లు అభిమానులకు అచనాలు రేకెత్తిస్తున్నాయి.
Also Read: ‘శ్యామ్ సింగరాయ్’లో కిస్ సీన్పై యాంకర్ డౌట్.. స్ట్రాంగ్ కౌంటర్ ఇచ్చిన సాయిపల్లవి
