Actor John Cena
Actor John Cena : లాస్ ఏంజెల్స్ లోని డాల్బీ థియేటర్లో ప్రతి ఏడాది ఆస్కార్ వేడుకలు అంగరంగ వైభవంగా జరుగుతుంటాయి. ఆ వేడుకలకు హాజరయ్యే అతిరథ మహారధులు, లబ్ద ప్రతిష్టులైన నటులు అద్భుతమైన దుస్తులు ధరించి వస్తారు. ప్రత్యేకమైన డిజైనర్ల ద్వారా దుస్తులను రూపొందించుకొని.. వాటిని ధరించి ఆ వేడుకల్లో మెరిసిపోతుంటారు. ఇక ఆస్కార్ వేడుకలు అంటే నెక్స్ట్ లెవెల్ అనే లాగా ప్రదర్శనలుంటాయి. కానీ సోమవారం అకాడమీ అవార్డులు ప్రకటించే ముందు డబ్ల్యు డబ్ల్యు ఈ(WWE) రెజ్లర్, నటుడు జాన్ సీనా నగ్నంగా దర్శనమిచ్చాడు. దీంతో ఒక్కసారిగా కలకలం చెలరేగింది.. ఓ తరహా సినిమా అవార్డుల ఫంక్షన్లో నటీనటులు నగ్నంగా కనిపిస్తారనే ప్రచారం ఉంది. కానీ అకాడమీ అవార్డులో ఇప్పటివరకు ఒక నటుడు ఇలా నగ్నంగా కనిపించిన ఉదంతాలు లేవు. జాన్ సీనా అలా నగ్నంగా కనిపించడంతో వెస్ట్రన్ నుంచి స్థానిక మీడియా వరకు జాన్ సీనా గురించే చర్చ జరిగింది.. ఇంతకీ అతడు నగ్నంగా ఎందుకు వచ్చాడు? నిజంగానే నగ్నంగా ఉన్నాడా? అనే సందేహాలు వ్యక్తమయ్యాయి. అయితే దీనిపై అకాడమీ క్లారిటీ ఇచ్చింది.
Actor John Cena,
జాన్ అకాడమీ అవార్డులు ప్రకటించే వేదిక మీదకు వచ్చే ముందు అతని ఫోటోలు తీశారు. అయితే అతడు గోచిలాంటి దుస్తులు ధరించాడు. ఇక్కడ అకాడమీ అత్యంత తెలివిగా ఆ ఫోటోలు తీసి విడుదల చేసింది. దీంతో నిజంగానే జాన్ నగ్నంగా ఉన్నాడని అందరూ అనుకున్నారు. సోషల్ మీడియాలో కూడా ఆ తరహా ఫోటోలు దర్శనమిచ్చాయి. ఫలితంగా ఒక్కసారిగా జాన్ వార్తల్లో వ్యక్తయ్యాడు. సోషల్ మీడియాలో అతడి పేరు తెగ చక్కర్లు కొట్టింది.
అకాడమీకి కూడా ఇలాంటి ప్రచారమే కావాలి కాబట్టి.. అది నెరవేరింది. ఇక వేదికపై విజేతను ప్రకటించే ముందు అకాడమీ సిబ్బంది ఒక దుప్పటిలాంటి వస్త్రాన్ని తీసుకొచ్చి జాన్ కు చుట్టారు. ఆ ఫోటోలను కూడా అకాడమీ నిర్వాహకులు బయటికి విడుదల చేశారు.. దీంతో జాన్ ముందుగా వేదిక మీదికి వచ్చే సమయంలో నగ్నంగా లేడని.. కేవలం ప్రచారం కోసమే ఇలా చేశాడని.. అకాడమీ కూడా దాని ప్రోత్సహించిందని.. తేటతెల్లమైంది. దీంతో అసలు విషయం తెలుసుకున్న నెటిజన్లు అవాక్కవుతున్నారు.. ప్రచారం కోసం ఇలా కూడా చేస్తారా? అంటూ కామెంట్లు పెడుతున్నారు. అయినప్పటికీ సోషల్ మీడియాలో జాన్ హవా ఏ మాత్రం తగ్గలేదు. వాస్తవానికి అకాడమీ అవార్డుల ప్రధానోత్సవం సందర్భంగా మీడియా నుంచి సోషల్ మీడియా వరకు.. అదే చర్చనీయాంశంగా ఉంటుంది. కానీ తొలిసారిగా జాన్ అకాడమీ అవార్డ్స్ కంటే తనే ముందు వరుసలో ఉన్నాడు. నెటిజన్లు తెగ శోధించిన వ్యక్తిగా రికార్డ్ సృష్టించాడు.
