Actress Aamani: సీనియర్ హీరోయిన్స్ లో అందంతో పాటు , అద్భుతమైన అభినయం కనబర్చగల వారిలో ఒకరు ఆమని. ఆరోజుల్లో సంసారపక్షమైన పాత్రలకు ఈమె చిరునామా లాగా నిలిచేవారు. వరుసగా ఎన్నో సూపర్ హిట్ సినిమాలను అందుకొని , అతి తక్కువ సమయం లోనే స్టార్ హీరోయిన్ గా ఎదిగారు. అయితే కెరీర్ పీక్ రేంజ్ లో ఉన్నప్పుడే ఒక ప్రముఖ తమిళ నిర్మాతని పెళ్లి చేసుకొని , 5 ఏళ్ళ వరకు సినిమాలకు బ్రేక్ ఇచ్చారు. ఆ తర్వాత మళ్లీ ఇండస్ట్రీ లోకి రీ ఎంట్రీ ఇచ్చినప్పటికీ, ఒకప్పటి రేంజ్ సక్సెస్ లు రాలేదు. అయినప్పటికీ హీరోయిన్ గా కొనసాగింది. ఇక ప్రస్తుతం ఆమె క్యారెక్టర్ ఆర్టిస్టుగా ఫుల్ బిజీ అయ్యింది. మరోపక్క టీవీ సీరియల్స్ లో కూడా నటిస్తోంది. ఆమె ప్రధాన పాత్ర పోషించిన ‘ఇల్లు ఇల్లాలు ప్రియురాలు’ సీరియల్ ప్రస్తుతం స్టార్ మా ఛానల్ లో అత్యధిక టీఆర్ఫీ రేటింగ్స్ తో కొనసాగుతోంది.
ఇదంతా పక్కన పెడితే రీసెంట్ గా జరిగిన ఒక ఇంటర్వ్యూ లో , ఆమె తన జీవితం లో జరిగిన కొన్ని ముఖ్యమైన సంఘటనల గురించి మాట్లాడింది. ఈ వీడియో ఇప్పుడు సోషల్ మీడియా లో బాగా వైరల్ అయ్యింది. ఆమె మాట్లాడుతూ ‘ నా భర్త కి మంచి డబ్బు ఉంది. ఆయన పెళ్లయ్యాక సినిమాలు చేయొద్దు అన్నారు. మా అమ్మ అప్పట్లో ఒక్కటే అనింది. నీ పెళ్లి చేసుకో , పిల్లల్ని కను , నేనేమి అడ్డుపడను , కానీ సినిమాలు మాత్రం వదలకు. నువ్వు ఈ స్థాయికి చేరుకోవడానికి ఎంత కష్టపడ్డావు, దేవుడు ఇచ్చిన ఈ వృత్తిని వదలకు అని మా అన్న నాకు చిలక్కి చెప్పినట్టు చెప్పింది. కానీ నేను వినలేదు. మరో 5 ఏళ్ళు ఇండస్ట్రీ లో కొనసాగి ఉండుంటే , చాలా మంచి క్యారెక్టర్స్ చేసేదాన్ని ఏమో’.
‘కెరీర్ పీక్ రేంజ్ లో ఉన్నప్పుడు పెళ్లి చేసుకున్నాను. ఎన్నో అద్భుతమైన సినిమాలను వదులుకున్నాను. అదొక్కటే నేను చేసిన మిస్టేక్’ అంటూ చెప్పుకొచ్చారు ఆమని. మీది లవ్ మ్యారేజా ? అని యాంకర్ అడిగిన ప్రశ్నకు ఆమని సమాధానం చెప్తూ ‘లవ్ మ్యారేజ్ అని కాదు కానీ , ఒక ఏకాభిప్రాయంతో జరిగిన వివాహం. మా ఆయన తమిళం లో పెద్ద నిర్మాత. నా రెండవ సినిమాని నిర్మించింది ఆయనే. ఆరోజుల్లో మా కుటుంబానికి చాలా అండగా ఉండేవారు. ఏ కష్టం రానివ్వకుండా చూసుకునేవారు, అలా నాకు బాగా దగ్గరవ్వడం తో పెళ్లి చేసుకున్నాను. ఆయన చాలా మంచి మనసున్న వ్యక్తి ఆయన. కాకపోతే నాకు సినిమా పిచ్చి ఎక్కువ , రీ ఎంట్రీ ఇస్తానని అన్నప్పుడు ఆయన వద్దు అన్నారు, అందుకే విడాకులు ఇచ్చాను’ అంటూ చెప్పుకొచ్చారు ఆమని. ఇంకా ఆమె ఏమి మాట్లాడిందో ఈ క్రింది వీడియోలో చూడండి.
